قر ەنەرگەتيكا مينيسترٸ قانات بوزىمباەۆ ەلٸمٸزگە تٶرتٸنشٸ مۇناي ٶڭدەۋ زاۋىتى قاجەت ەكەنٸن ايتتى, دەپ حابارلايدى "ۇلت اقپارات" Kapital.kz سايتىنا سٸلتەمە جاساپ.
مينيستردٸڭ ايتۋىنشا, قازٸرگٸ تاڭدا بۇل مەسەلەنٸ ارنايى جۇمىس توبى قاراستىرىپ جاتىر.
«مەنٸڭ پٸكٸرٸمشە, قازاقستانعا تٶرتٸنشٸ مۇناي ٶڭدەۋ زاۋىتى قاجەت. قازٸرگٸ تاڭدا بۇل مەسەلەنٸ قاراستىرىپ جاتىرمىز. زاۋىتتى سالۋ - بٸر جىلدىڭ جۇمىسى ەمەس. جانار-جاعارماي ماتەريالدارىنا سۇرانىس ارتۋدا. بٸزدٸڭ بولجامىمىز بويىنشا, شامامەن 2022 جىلى مۇناي ٶنٸمدەرٸنٸڭ يمپورتىن ٶسٸرۋ قاجەت بولادى. وسى ۋاقىتقا دەيٸن تٶرتٸنشٸ زاۋىتتى سالىپ ٷلگەرگەن جٶن. ارتىپ كەلە جاتقان سۇرانىستى قاناعاتتاندىرۋعا قولدانىستاعى ٷش زاۋىتتىڭ قۋاتى جەتپەيدٸ», - دەدٸ ەنەرگەتيكا مينيسترٸ.
ينتەرۆيۋ بارىسىندا قانات بوزىمباەۆ الداعى جىلى جاڭا مۇناي ٶڭدەۋ زاۋىتىنىڭ تەحنيكالىق-ەكونوميكالىق نەگٸزدەمەسٸن دايىنداۋ جوسپارلانىپ وتىرعانىن اتاپ ٶتتٸ. مينيستردٸڭ سٶزٸنشە, 2019 جىلى ينۆەستورلاردى تارتا وتىرىپ, اتالعان زاۋىتتىڭ قۇرىلىسىن باستاۋ جوسپاردا بار.
ايتا كەتەيٸك, قازٸرگٸ تاڭدا ەلٸمٸزدە 3 مۇناي ٶڭدەۋ زاۋىتى بار. ولار اتىراۋ, پاۆلودار, شىمكەنت قالالارىندا ورنالاسقان.
