پاۆلودار قالاسىندا تەكسەرۋشٸلەر تويدىڭ ٷستٸنەن تٷستٸ. قوناقتارمەن بٸرگە قالىڭدىق پەن كٷيەۋجٸگٸت تە قاشىپ بارا جاتقان ۆيدەو تارادى, دەپ حابارلايدى Sputnik قازاقستان.
رەسمي مەلٸمەتكە سەيكەس, ٶتكەن دەمالىس كٷندەرٸ پاۆلوداردا باس سانيتارلىق دەرٸگەر قاۋلىسىن بۇزۋدىڭ 11 فاكتٸسٸ انىقتالدى. ادامدار شەكتەۋ شارالارىنا قاراماستان, توي-دومالاق ٶتكٸزگەن.
"6 تامىز كٷنٸ كەشكٸ ساعات 20.00-دە حايداروۆ كٶشەسٸندەگٸ تويحانادا مونيتورينگتٸك توپ ٷيلەنۋ تويىن ٶتكٸزۋ فاكتٸسٸن انىقتادى. ول جەردە 30-عا جۋىق قوناق بولدى. ال تەكسەرۋشٸلەردٸ كٶرگەن قالىڭدىق پەن كٷيەۋجٸگٸت ايىپپۇلدان قورقىپ, قوناقتارمەن بٸرگە قاشا جٶنەلدٸ", - دەيدٸ پوليتسەيلەر.
مونيتورينگتٸك توپ تٷسٸرگەن ۆيدەودا قالىڭدىقتىڭ اق كٶيلەگٸن كٶتەرٸپ الىپ, قاشىپ بارا جاتقانى كٶرٸنەدٸ. الايدا قارا كوستيۋم كيگەن جٸگٸت ەكەۋٸ الىسقا ۇزاي المادى. ولار باسقا ادامدارمەن بٸرگە پوليتسييا بٶلٸمٸنە جەتكٸزگەن.
"اتالعان فاكت بويىنشا بارلىق ماتەريالدار جينالىپ, ەكٸمشٸلٸك قۇقىق بۇزۋشىلىق كودەكسٸنٸڭ 425-بابى بويىنشا ەكٸمشٸلٸك جاۋاپكەرشٸلٸككە تارتۋ ٷشٸن سانيتارلىق-ەپيدەميولوگييالىق باقىلاۋ باسقارماسىنا جولداندى. وسى باپقا سەيكەس ٷيلەنۋ تويىنىڭ ەربٸر قوناعىنا 30 اەك (87 510 تەڭگە) مٶلشەرٸندە, سونداي–اق, مەكەمە يەسٸنە 230 اەك (670 910 تەڭگە) كٶلەمٸندە ايىپپۇل تٶلەۋگە تۋرا كەلەدٸ" – دەپ اتاپ كٶرسەتتٸ پوليتسييا قىزمەتٸنٸڭ باستىعى ارمان كاپتاەۆ.
ايتا كەتەرٸ, جىل باسىنان بەرٸ پاۆلوداردا مونيتورينگتٸك توپتار سانيتارلىق تالاپ بۇزۋدىڭ 146 فاكتٸسٸن انىقتادى.
