فوتو: قاللەكي تەاترى
قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترى 86 جاسقا قاراعان شاعىندا قازاق تەاتر ٶنەرٸنٸڭ مايتالمانى, قازاقستاننىڭ ەڭبەك سٸڭٸرگەن قايراتكەرٸ, «قۇرمەت» وردەنٸنٸڭ يەگەرٸ رىمكەش ومارحانوۆانىڭ دٷنيەدەن ٶتكەنٸن حابارلادى, دەپ جازادى Ult.kz.
تەاتر ۇجىمى اق سامايلى اكتريسانىڭ تۋعان-تۋىستارى مەن جاقىندارىنا قايعىرا كٶڭٸل ايتتى.
رىمكەش ومارحانقىزى — قازاق ساحنا ٶنەرٸنٸڭ دامۋىنا جارتى عاسىردان استام ۋاقىتىن ارناعان دارا تۇلعا. ول 150-دەن استام رٶل سومداپ, ۇلتتىق تەاتردىڭ التىن قورىن بايىتقان. شىعارماشىلىق جولىن قاراعاندىداعى س.سەيفۋللين اتىنداعى تەاتردان باستاپ, كەيٸن ەلورداداعى قاليبەك قۋانىشباەۆ اتىنداعى تەاتردىڭ قۇرىلۋىنا ٷلكەن ٷلەس قوستى.
اكتريسانىڭ ماقپال (ع. مٷسٸرەپوۆ «قوزى كٶرپەش – بايان سۇلۋ»), تٶلەگەننٸڭ اناسى («قىز جٸبەك»), مٶرجان (م. ەۋەزوۆ «قاراگٶز»), ەڭلٸك («ەڭلٸك–كەبەك»), تاڭقىبيكە («تٷنگٸ سارىن»), تولعاناي (ش. ايتماتوۆ «انا–جەر–انا»), كاتەرينا (ا. وستروۆسكيي «نايزاعاي»), دجۋلەتتا (ۋ. شەكسپير «رومەو مەن دجۋلەتتا»), بيعايشا (ت. احتانوۆ «كٷشٸك كٷيەۋ»), گاننا (ا. دۋدارەۆ «كەش») سىندى رٶلدەرٸ كٶرەرمەن جٷرەگٸندە ساقتالىپ قالدى.
تەاتر ۇجىمى رىمكەش ومارحانوۆانىڭ ەسٸمٸ مەن ٶشپەس مۇراسى قازاق مەدەنيەتٸندە مەڭگٸلٸككە ۇلىقتالاتىنىن اتاپ ٶتتٸ.
