قازان ايىنىڭ ٸشٸندە اقش-تىڭ سولتٷستٸك كاليفورنييا شتاتىندا 1000-عا جۋىق جابايى جىلقى بٸر جەرگە ايدالىپ ەكەلٸنبەك. كەيٸن ولار ساتىلىمعا شىعارىلىپ نەمەسە سەنٸمدٸ ادامدارعا بەرٸلەدٸ. سونىمەن بٸرگە, جەرگٸلٸكتٸ شەنەۋنٸكتەر جانۋارلاردىڭ قاساپحاناعا دا جٸبەرٸلۋٸ مٷمكٸن ەكەنٸن جوققا شىعارمايدى, دەپ حابارلايدى قازاقپارات mnn.com-عا سٸلتەمە جاساپ.
جابايى جىلقىلار ورەگون شتاتىنىڭ شەكاراسىنا جاقىن ورنالاسقان مودوك ۇلتتىق پاركٸنٸڭ ٷستٸرتٸن مەكەندەيدٸ. كاليفورنيياداعى جابايى جىلقىلاردىڭ ٷيٸرٸ اقش فەدەرالدىق ورمان باسقارماسىنىڭ باقىلاۋىندا بولىپ وتىر. جىلقىلاردى ايداپ ەكەتۋ 9 قازاندا باستالىپ, بٸر ايعا سوزىلادى.
ايدالعان 1000 جانۋاردىڭ 700-گە جۋىعى بۋاز بيەلەر نەمەسە 10 جاستان اسپاعان جاس مال. ولار ارنايى مەكەمەگە ايدالاتىن بولادى. 10 جاستان اسقان جانۋارلار ۋاقىتشا ۇستاۋ پۋنكتٸنە جٸبەرٸلەدٸ. ولاردىڭ بٸرەۋٸنٸڭ باعاسى 125 اقش دوللارى بولماق. بۇل باعا 30 كٷن ٶزگەرمەيدٸ, بۇدان كەيٸن 1 جىلقىنىڭ باعاسى 1 دوللارعا دەيٸن تٷسەدٸ.
جابايى جىلقىلار قاساپحانالاردان بٶلەك رانچو نەمەسە باسقا دا جەرلەرگە جٸبەرٸلۋٸ مٷمكٸن.
فەدەرالدىق شەنەۋنٸكتەر جابايى جىلقىلار مەكەندەيتٸن اۋماق ولار ٷشٸن تار بولىپ جاتقانىن ايتۋدا.
«بٸزدٸڭ اۋماعىمىزدا 206-دان 402-گە دەيٸن جانۋار بولۋى تيٸس, ال بٸزدە بولسا, 4000-عا جۋىق جىلقى جايىلىپ جٷر», - دەدٸ مودوك ۇلتتىق پاركٸنٸڭ باس عىلىمي جەتەكشٸسٸ اماندا ماكادامس. ونىڭ ايتۋىنشا, جانۋارلارعا ازىق پەن سۋ جەتٸسپەيدٸ.
فەدەرالدىق شەنەۋنٸكتەر جىلقىلاردىڭ نەعۇرلىم كٶپ سانىن جايعاستىرعىسى كەلەتٸنٸن ايتتى. بٸراق فەدەرالدىق ورمان باسقارماسىنىڭ ٶكٸلٸ كەن سەندۋسكي ٷكٸمەتتٸڭ «ولاردىڭ بەرٸن جايعاستىرا المايتىنىن» ايتۋدا.
جابايى جىلقىلاردى قورعاۋ بويىنشا امەريكاندىق ناۋقان ٶكٸلدەرٸ فەدەرالدىق ورمان شارۋاشىلىعىنا قالىپتاسقان جاعدايدا گۋمانيستٸك شەشٸم قابىلداپ, بارلىق ٸستٸ بٸرتٸندەپ اتقارۋعا شاقىردى. بٸراق ٷكٸمەتتٸڭ كٶزقاراسى بويىنشا, وسىنداي شارالار جاعدايدى ٶزگەرتە المايدى.
«جابايى جىلقىلار پوپۋلياتسيياسىنىڭ 20-25 پايىزعا ٶسۋٸ كەزٸندە بۇل جەردە تەك بيىلعى جىلى 800-1000 جابايى جىلقى قۇلىنداعان, سوندىقتان بٸرتٸندەپ جاسالعان قادامدار نەتيجەسٸز», - دەپ مەلٸم ەتتٸ جەرگٸلٸكتٸ بيلٸك ٶكٸلدەرٸ.
