مەجٸلٸستٸڭ جالپى وتىرىسىندا دەپۋتات ابيلفاس حامەدوۆ تۇرمىستىق قالدىقتاردى جيناۋداعى پروبلەمانى كٶتەردٸ, دەپ حابارلايدى قازاقپارات.
«پروبلەمالاردىڭ بٸرٸ قاتتى تۇرمىستىق قالدىقتاردى سۇرىپتاۋ مەن قايتا ٶڭدەۋگە بايلانىستى. جىل سايىن قازاقستاندا 5 ملن توننا قاتتى تۇرمىستىق ەرٸ قۇرىلىس قالدىقتارى جينالادى. الايدا سۇرىپتاۋ پۋنكتەرٸ تەك 40 پايىزعا جٷكتەلگەن. ٶڭدەۋشٸ كەسٸپورىندار شيكٸزاتتىڭ بۇدان ارتىق كٶلەمٸن قابىلداۋعا ەزٸر, الايدا قاتتى تۇرمىستىق قالدىقتار بٶلەكتەپ جيناۋ جٷيەسٸنەن ٶتۋٸ كەرەك. بۇل جۇمىستار ەلٸمٸزدە تيٸستٸ دەڭگەيدە ەمەس. ال قۇرىلىس الاڭدارىنان شىعارىلعان قالدىقتار ٶڭدەلمەي, شۇڭقىرلى جەرلەرگە تٶگٸلٸپ كەلەدٸ», - دەدٸ ابيلفاس حامەدوۆ ٷكٸمەت باسشىسىنىڭ ورىنباسارى رومان سكلياردىڭ اتىنا جولداعان ساۋالىندا.
ونىڭ پايىمىنشا, قالدىقتاردىڭ تٷرلٸ تيپتەرٸ ٷشٸن ارنايى كونتەينەرلەردٸ ورناتۋ قوقىستى ٸرٸكتەپ جيناۋدى جەڭٸلدەتٸپ, قايتا ٶڭدەۋدەگٸ شىعىنداردى ازايتۋعا مٷمكٸندٸك بەرەدٸ.
«قازاقستاندا 3030 پوليگون بار, ونىڭ ٸشٸندە قاتتى تۇرمىستىق قالدىقتاردىڭ 600 پوليگونى ەكولوگييالىق ەرٸ سانيتارلىق نورمالارعا ساي كەلەدٸ», - دەدٸ دەپۋتات.
وسى ورايدا ول اتالعان سالادا رۇقسات بەرۋ رەسٸمدەرٸن جەڭٸلدەتۋ مٷمكٸندٸگٸن قاراستىرۋدى سۇراپ, سونداي-اق قاجەتتٸ ٶندٸرٸستەرگە جەر تەلٸمدەرٸن بٶلۋگە قاتىستى ۇسىنىس ايتتى.
