كابۋل ەۋەجايى ماڭىندا بەيسەنبٸدەگٸ بٸرنەشە جارىلىستان قازا تاپقان ادام سانى جٷزدەن استى.
كابۋل اۋرۋحانالارىنان الىنعان سوڭعى مەلٸمەت بويىنشا, كەمٸندە 90 اۋعان ازاماتى مەرت بولىپ, 150-گە جۋىعى جارالانعان. تەراكت سالدارىنان جارالانعان اقش-تىڭ بٸر ەسكەري قىزمەتٸشٸسٸ كٶز جۇمعان. سٶيتٸپ, كابۋل ەيەجايىنا كٸرەر جولدى كٷزەتٸپ تۇرعان امەريكالىق ەسكەريلەردەن قازا تاپقاندار سانى 13 ادامعا جەتتٸ. اۋعانستاندا كەيٸنگٸ بٸرنەشە جىلدا اقش ەسكەرٸنەن بٸر شابۋىلدا وسىنشا كٶپ ادامنىڭ قازا تابۋى العاش رەت بولىپ وتىر.
بەيسەنبٸدە كابۋل ەۋەجايىنا كٸرەبەرٸس پەن جاقىن ماڭداعى قوناقٷيدٸڭ الدىندا كٶپ ادامنىڭ اراسىنا كٸرگەن جانكەشتٸلەر ٶزٸن جارىپ جٸبەرگەن. تەررورلىق شابۋىل سالدارىنان 18 امەريكالىق سارباز جارالانعان, ولاردىڭ بەرٸ اۋعانستاننان ەكەتٸلدٸ دەپ حابارلادى "امەريكا داۋىسى" راديوسى.
بۇل شابۋىلدى "يسلام مەملەكەتٸ" ەكسترەميستٸك ۇيىمى (قازاقستاندا تىيىم سالىنعان) موينىنا الدى. بۇل ۇيىم اۋعانستانعا قازٸر بيلٸگٸن ورناتقان "تاليبان" راديكال قوزعالىسىمەن قاس, وعان قارسى بٸرنەشە تەراكتٸ جاساعان.
اقش پرەزيدەنتٸ دجو بايدەن كابۋلدەگٸ شابۋىلدارعا بايلانىستى اق ٷيدە سٶيلەگەن سٶزٸندە قازا تاپقان امەريكالىق ساربازداردى قاھارمان دەپ اتاپ, اقش تەراكت جاساعان قاسكٶيلەردٸ تاۋىپ الىپ, جازاسىن بەرەدٸ دەپ مەلٸمدەدٸ. ونىڭ سٶزٸنشە, پەنتاگونعا كابۋلدا تەراكت جاساعاندارعا سوققى بەرۋ جوسپارىن ەزٸرلەۋ تاپسىرىلعان.
بايدەن كابۋلدان ەۆاكۋتسييالاۋ وپەراتسيياسى جالعاساتىنىن, امەريكالىق ەسكەريلەردٸ اۋعانستاننان 31 تامىزعا دەيٸن ەكەتۋ جوسپارى ٶزگەرمەيتٸنٸن ايتتى. تەرروريستەر اقش-تى ميسسيياسىن توقتاتۋعا مەجبٷر ەتە المايدى دەدٸ ول.
كابۋل ەۋەجايىنداعى امەريكالىق ەسكەريلەر اقش جەنە ٶزگە ەلدەردٸڭ ازاماتتارىن اۋعانستاننان ەۆاكۋاتسييالاۋعا جەردەمدەسٸپ جاتىر. بايدەننٸڭ سٶزٸنشە, 15 تامىزدان بەرٸ 100 مىڭنان استام دام ەۆاكۋاتسييالانعان.
فرانتسييا پرەزيدەنتٸ ەممانۋەل ماكرون كابۋلدەگٸ تەراكتٸنٸ ايىپتاپ, ەۋەجايدا ەۆاكۋاتسييا وپەراتسيياسىن ٸسكە اسىرىپ جاتقانداردىڭ "ەرەن ەرلٸگٸن" اتاپ ايتتى. فرانتسييا بۇل ٸستٸ اياعىنا جەتكٸزەدٸ دەدٸ ول.
يسپانييا پرەمەر-مينيسترٸ پەدرو سانچەس تە كابۋل ەۋەجايى ماڭىندا بولعان تەررورلىق شاۋبىلدى ايىپتاپ, تٸپتٸ تەراكتٸدەن كەيٸن دە يسپان ٷكٸمەتٸ اۋعانستاننان نەعۇرلىم كٶپ ادامدى قاۋٸپسٸز جەرگە شىعارۋعا تىرىساتىن بولادى دەپ مەلٸمدەدٸ.
اۆسترالييا مەن نورۆەگييا اۋعانستاننان ازاماتتارىن ەۆاكۋاتسييالاۋدى توقتاتا تۇرۋدى ۇيعاردى.
اقش كونگرەسٸ مٷشەلەرٸ پرەزيدەنت بايدەن مەن ونىڭ ەكٸمشٸلٸگٸن كابۋل ەۋەجايى ماڭىندا امەريكالىق ساربازداردى مەرت قىلعان تەراكتٸگە كٸنەلٸلەردٸ تاۋىپ, جاۋاپقا تارتۋعا شاقىردى. ٶكٸلدەر پالاتاسىنداعى رەسپۋبليكاشىلدار ليدەرٸ كەۆين ماككارتي سپيكەرگە اۋعانستانداعى جاعدايدى تالقىلاۋ ٷشٸن كانيكۋلدا جٷرگەن زاڭ شىعارۋشىلاردى شۇعىل شاقىرىپ, تٶتەنشە سەسسييا ٶتكٸزۋ جايلى ۇسىنىس ايتتى.
رەسپۋبليكاشىلدار كابۋل ەۋەجايىنداعى تەراكتٸلەر مەن ٶزگە دە بٸرقاتار كەمشٸلٸكتەرگە جول بەردٸ دەپ اق ٷي باسشىلىعىن سىنايدى. "دۇشپانىمىز ەسكەرٸ قالاي بولسا سولاي شىعارۋدى ٶزٸنە ۇتىمدى پايدالانىپ كەتتٸ"دەپ مەلٸمدەدٸ ماككارتي.
- تامىزدىڭ ورتاسىندا "تاليبان"راديكال قوزعالىسى (قازاقستاندا تەررورلىق ۇيىم رەتٸندە تىيىم سالىنعان) اۋعانستاندا بيلٸكتٸ باسىپ الدى. اقش ٶز ازاماتتارى مەن وداقتاس ەلدەردٸڭ ازاماتتارىن اۋعانستاننان 31 تامىزعا دەيٸن الىپ كەتۋدٸ جوسپارلاپ وتىر.
