يزرايل ٷكٸمەتٸ كوروناۆيرۋس ٸندەتٸ قايتا ۋشىققان تۇستا ۆاكتسينانىڭ ەكٸ دوزاسىن العانداردى ٷشٸنشٸ دوزانى سالدىرۋعا يتەرمەلەپ وتىر. جەكسەنبٸ, 3 قازاننان باستاپ قوعامدىق ورىندارعا كٸرۋگە مٷمكٸندٸك بەرەتٸن سانيتارلىق پاسپورت ەكٸنشٸ دوزانى العاننان باستاپ التى ايعا دەيٸن-اق كٷشٸندە بولماق. سودان كەيٸن ٷشٸنشٸ دوزانى سالدىرۋ مٸندەت.
كوروناۆيرۋسپەن اۋىرىپ شىققانداردىڭ ٶزٸ التى ايدان كەيٸن ۆاكتسينا سالدىرۋى كەرەك.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, جاڭا ەرەجە 1 ميلليوننان استام ادامعا بٸردەن ەسەر ەتپەك.
سانيتارلىق پاسپورت 3 جاستان اسقان ادامداردىڭ بەرٸنە قاجەت. ۆاكتسينا سالدىرماعاندار نە كوروناۆيرۋستان جاقىندا عانا جازىلىپ شىققان بولۋى كەرەك, نە تەرٸس نەتيجەلٸ پتر انىقتاماسىن الۋى كەرەك. ونسىز سپورت كەشەندەرٸنە, مەدەني ورىندارعا, مۋزەيلەرگە, دەمحانالارعا, ۋنيۆەرسيتەتتەرگە كٸرۋ, كونفەرەنتسييالارعا قاتىسۋ مٷمكٸن ەمەس.
12 جاسقا دەيٸنگٸ بالالار پتر تالداۋىن تەگٸن جاساتادى. دەنساۋلىق ساقتاۋ مينيسترلٸگٸنٸڭ مەلٸمەتٸنشە, يزرايلدەگٸ 9,4 ميلليون ادامنىڭ 61 پايىزى ۆاكتسينانىڭ ەكٸ دوزاسىن العان, 37 پايىزى ٷشٸنشٸ دوزانى سالدىرعان.
شٸلدەنٸڭ سوڭىندا يزرايل Covid ۆاكتسيناسىنىڭ ٷشٸنشٸ دوزاسىن سالا باستاعان العاشقى ەل اتاندى. وعان دەنساۋلىق مينيسترلٸگٸنٸڭ جاڭا دەرەگٸ تٷرتكٸ بولدى. وعان قاراعاندا, ماۋسىم ايىنان باستاپ ۆاكتسينانىڭ ەسەرٸ كٷرت ەلسٸرەي باستاعان.
ٷكٸمەتتٸڭ جاڭا ەرەجەسٸنە يزرايلدٸڭ مۇعالٸمدەر قاۋىمداستىعى تٷبەگەيلٸ قارسى شىقتى. بٸراق 3 قازاننان باستاپ سانيتارلىق پاسپورتى جوق نە كوروناۆيرۋس تەستٸن تاپسىرۋدان باس تارتقان مۇعالٸمدەر جۇمىستان شەتتەتٸلەدٸ.
"بٸز مۇعالٸمدەردٸڭ 50 پايىزى جٶنٸندە ايتىپ وتىرمىز. ال ولاردىڭ سانى 80 مىڭ" دەدٸ مۇعالٸمدەر قاۋىمداستىعىنىڭ پرەزيدەنتٸ ران ەرەس.
قىركٷيەكتٸڭ باسىندا يزرايلدٸ كوروناۆيرۋسپەن كٷن سايىن 11 مىڭنان استام ناۋقاس تٸركەلٸپ جٷردٸ. بۇل ٸندەت باستالعالى ەڭ جوعارعى كٶرسەتكٸش ەدٸ. سودان بەرٸ ناۋقاس سانى بٸرتٸندەپ ازايعان.
