Izrail úkimeti koronavirýs indeti qaita ýshyqqan tusta vaktsinanyń eki dozasyn alǵandardy úshinshi dozany saldyrýǵa itermelep otyr. Jeksenbi, 3 qazannan bastap qoǵamdyq oryndarǵa kirýge múmkindik beretin sanitarlyq pasport ekinshi dozany alǵannan bastap alty aiǵa deiin-aq kúshinde bolmaq. Sodan keiin úshinshi dozany saldyrý mindet.
Koronavirýspen aýyryp shyqqandardyń ózi alty aidan keiin vaktsina saldyrýy kerek.
Densaýlyq saqtaý ministrliginiń málimetinshe, jańa ereje 1 millionnan astam adamǵa birden áser etpek.
Sanitarlyq pasport 3 jastan asqan adamdardyń bárine qajet. Vaktsina saldyrmaǵandar ne koronavirýstan jaqynda ǵana jazylyp shyqqan bolýy kerek, ne teris nátijeli PTR anyqtamasyn alýy kerek. Onsyz sport keshenderine, mádeni oryndarǵa, mýzeilerge, dámhanalarǵa, ýniversitetterge kirý, konferentsiialarǵa qatysý múmkin emes.
12 jasqa deiingi balalar PTR taldaýyn tegin jasatady. Densaýlyq saqtaý ministrliginiń málimetinshe, Izraildegi 9,4 million adamnyń 61 paiyzy vaktsinanyń eki dozasyn alǵan, 37 paiyzy úshinshi dozany saldyrǵan.
Shildeniń sońynda Izrail Covid vaktsinasynyń úshinshi dozasyn sala bastaǵan alǵashqy el atandy. Oǵan densaýlyq ministrliginiń jańa deregi túrtki boldy. Oǵan qaraǵanda, maýsym aiynan bastap vaktsinanyń áseri kúrt álsirei bastaǵan.
Úkimettiń jańa erejesine Izraildiń muǵalimder qaýymdastyǵy túbegeili qarsy shyqty. Biraq 3 qazannan bastap sanitarlyq pasporty joq ne koronavirýs testin tapsyrýdan bas tartqan muǵalimder jumystan shettetiledi.
"Biz muǵalimderdiń 50 paiyzy jóninde aityp otyrmyz. Al olardyń sany 80 myń" dedi muǵalimder qaýymdastyǵynyń prezidenti Ran Eres.
Qyrkúiektiń basynda Izraildi koronavirýspen kún saiyn 11 myńnan astam naýqas tirkelip júrdi. Bul indet bastalǵaly eń joǵarǵy kórsetkish edi. Sodan beri naýqas sany birtindep azaiǵan.
