يزرايل ٷكٸمەتٸ كوروناۆيرۋسقا بايلانىستى ەنگٸزٸلگەن كارانتين شارالارىن قاتاڭداتۋ شەشٸمٸن قابىلدادى. ەلدٸڭ پرەمەر-مينيسترٸ بينيامين نەتانياحۋ ينفەكتسييانىڭ جاڭا تولقىنى يزرايلدٸ «ورعا» يتەرمەلەپ جاتقانىنا قاتىستى الاڭداۋشىلىق بٸلدٸردٸ, دەپ حابارلايدى Reuters اگەنتتٸگٸ.
بٸر اپتا بۇرىن, 18 قىركٷيەكتە يزرايل كارانتين شارالارىن قايتا ەنگٸزگەن. اپتا ٸشٸندە 9 ميلليون حالقى بار ەلدە كوروناۆيرۋس جۇقتىرۋدىڭ 7 مىڭ وقيعاسى تٸركەلدٸ.
ەرتەڭ, 25 قىركٷيەك كٷنٸ ەلدە ەنگٸزٸلەتٸن جاپپاي كارانتين جاعدايىندا تەك ازداعان كەسٸپورىندارعا جۇمىس ٸستەۋگە رۇقسات ەتٸلگەن – بۇل قارجى ينستيتۋتتارى, دەنساۋلىق ساقتاۋ ۇيىمدارى, ازىق-تٷلٸك دٷكەندەرٸ, كٶلٸككە جانارماي قۇيۋ ستانسالارى, سونداي-اق اۋىلشارۋاشىلىق كەسٸپورىندارى.
سونداي-اق, ساپارعا شىعۋعا قوسىمشا شەكتەۋلەر ەنگٸزٸلەدٸ – ەندٸ ٷيدەن تەك ازىق-تٷلٸك پەن دەرٸ-دەرمەك ساتىپ الۋ ٷشٸن, سونداي-اق كەڭەسەگە دەيٸن جەتۋ ٷشٸن عانا شىعۋعا بولادى. يزرايلدەگٸ مەكتەپتەر ەلٸ جابىق.
اتاپ ٶتەيٸك, يزرايل ٷكٸمەتٸ جاپپاي كارانتيندٸ تاعى ەكٸ اپتاعا ەنگٸزۋ مەسەلەسٸن بٸرنەشە ساعات بويى تالقىلاعان.
«سوڭعى ەكٸ كٷن بٸز ساراپشىلاردان بۇل كٷردەلٸ شەشٸمدٸ شۇعىل تٷردە قابىلداماساق, وردىڭ شەتٸندە قالىپ قوياتىنىمىزدى ەستٸدٸك», - دەپ مەلٸمدەدٸ ب.نەتانياحۋ مينيسترلەر كابينەتٸنە ارناعان سٶزٸندە.
يزرايلدٸڭ دەنساۋلىق ساقتاۋ مينيسترلٸگٸ سوڭعى تەۋلٸكتە ەلدە كوروناۆيرۋس جۇقتىرۋ وقيعالارىنىڭ سانى 6 667-گە جەتٸپ, بۇرىن ەنگٸزٸلگەن كارانتينگە قاراماستان, 200 مىڭ وقيعا كٶرسەتكٸشٸنەن اسقانىن مەلٸم ەتتٸ. يزرايلدە كارانتين بٸرٸنشٸ رەت ناۋرىز ايىندا ەنگٸزٸلٸپ, مامىرعا دەيٸن سوزىلعان.
