فوتو: aljazeera.com
قازاقستاندىق اۋىر سالماق بوكسشىسى يۆان دىچكو (15-1, 14 كو) كەسٸبي رينگتەگٸ العاشقى جەڭٸلٸسٸن تٸركەدٸ, دەپ جازادى inbusiness.kz.
ول لاس-ۆەگاستا (اقش, نەۆادا شتاتى) ٶتكەن ساۋل "كانەلو" الۆارەس پەن تەرەنس كروۋفورد بوكس كەشٸنٸڭ اندەركاردى اياسىندا امەريكالىق دجەرمەين فرانكلينگە (24-2, 15 كو) قارسى جەكپە-جەك ٶتكٸزدٸ.
كەزدەسۋ 10 راۋندقا جوسپارلانىپ, قارسىلاستار جوعارى قارقىنمەن قيمىلدادى. دىچكو كٶبٸرەك سوققى جاساۋعا تىرىسقانىمەن, تٶرەشٸلەردٸڭ بٸراۋىزدان شىققان شەشٸمٸمەن جەڭٸس فرانكلينگە بەرٸلدٸ.
بۇعان دەيٸن يۆان دىچكو كەسٸپقوي بوكستا ٶتكٸزگەن 15 جەكپە-جەگٸنٸڭ بەرٸندە جەڭٸسكە جەتٸپ, ولاردىڭ 14-ٸن نوكاۋتپەن اياقتاعان بولاتىن. سوڭعى رەت ول شٸلدە ايىندا امەريكالىق سەميۋەل كروسستى (11-5-1, 7 كو) نوكاۋتقا جٸبەرگەن ەدٸ.
ال دجەرمەين فرانكلين رينگكە مامىر ايىنان بەرٸ شىقپاعان. سول كەزدە ول 6-راۋندتا وتانداسى دەۆين ۆارگاستى (23-11, 10 كو) مەرزٸمٸنەن بۇرىن جەڭگەن بولاتىن.
