Foto: aljazeera.com
Qazaqstandyq aýyr salmaq boksshysy Ivan Dychko (15-1, 14 KO) kásibi ringtegi alǵashqy jeńilisin tirkedi, dep jazady inbusiness.kz.
Ol Las-Vegasta (AQSh, Nevada shtaty) ótken Saýl "Kanelo" Alvares pen Terens Kroýford boks keshiniń anderkardy aiasynda amerikalyq Djermein Franklinge (24-2, 15 KO) qarsy jekpe-jek ótkizdi.
Kezdesý 10 raýndqa josparlanyp, qarsylastar joǵary qarqynmen qimyldady. Dychko kóbirek soqqy jasaýǵa tyrysqanymen, tóreshilerdiń biraýyzdan shyqqan sheshimimen jeńis Franklinge berildi.
Buǵan deiin Ivan Dychko kásipqoi boksta ótkizgen 15 jekpe-jeginiń bárinde jeńiske jetip, olardyń 14-in nokaýtpen aiaqtaǵan bolatyn. Sońǵy ret ol shilde aiynda amerikalyq Semiýel Krossty (11-5-1, 7 KO) nokaýtqa jibergen edi.
Al Djermein Franklin ringke mamyr aiynan beri shyqpaǵan. Sol kezde ol 6-raýndta otandasy Devin Vargasty (23-11, 10 KO) merziminen buryn jeńgen bolatyn.
