بٷگٸن قر پرەمەر-مينيسترٸنٸڭ ورىنباسارى يمانعالي تاسماعامبەتوۆ قر پارلامەنتٸ سەناتىنىڭ دەپۋتاتتارى, ونىڭ ٸشٸندە بٸرعانىم ەيتٸموۆا جەتەكشٸلٸك ەتەتٸن ەلەۋمەتتٸك-مەدەني دامۋ جەنە عىلىم جٶنٸندەگٸ كوميتەتتٸڭ مٷشەلەرٸمەن كەزدەستٸ, دەپ حابارلايدى "ۇلت اقپارات" قر پرەمەر-مينيسترٸنٸڭ رەسمي سايتىنا سٸلتەمە جاساپ.
كەزدەسۋ بارىسىندا ەلەۋمەتتٸك سالاعا قاتىستى ماڭىزدى سۇراقتار تالقىلاندى. ۆيتسە-پرەمەر ي. تاسماعامبەتوۆ اتاپ ٶتكەندەي, ٶتكەن جىلى پارلامەنتكە بٸلٸم, دەنساۋلىق جەنە مەدەنيەت مەسەلەلەرٸ بويىنشا 7 قورىتىندى جولداندى.
بالالاردى بالاباقشاعا كەزەككە قويۋدى جەنە جولداما بەرۋدٸ اۆتوماتتاندىرۋ, مەكتەپكە دەيٸنگٸ بٸلٸم بەرۋ نىساندارىنىڭ جەلٸسٸن ۇلعايتۋ سيياقتى مەكتەپكە دەيٸنگٸ بٸلٸم جەنە تەربيە بەرۋ مەسەلەلەرٸ قارالدى, ونىڭ ٸشٸندە اعىمداعى جىلى مەملەكەتتٸك-جەكەمەنشٸك ەرٸپتەستٸك اياسىندا 41,9 مىڭ جاڭا ورىندار قۇرۋ جوسپارلانىپ وتىر.
سونداي-اق, ورتا بٸلٸم بەرۋگە قاتىستى اپاتتى جەنە ٷش اۋىسىمداعى مەكتەپتەردٸڭ ورنىنا 56 نىسان قۇرىلىسىن سالۋ, 2, 5, 7-سىنىپتاردا جاڭارتىلعان باعدارلامامەن بەس كٷندٸك وقۋ اپتاسىنا كٶشۋ, بٸتٸرۋ جەنە وقۋعا تٷسۋ ەمتيحاندارىن بٶلۋ ارقىلى جاڭا فورماتتا ۇبت ٶتكٸزۋ سۇراقتارى قارالدى.
ايتا كەتەيٸك, اعىمداعى جىلى مەكتەپتەگٸ تاماقتانۋ, قۇرال-جابدىق, كيٸم ٷلگٸسٸ, سپورت جەنە باسقا دا بالالاردىڭ قاۋٸپسٸزدٸگٸ, دەنساۋلىعى مەن ەل-اۋقاتىنا قاتىستى ستاندارتتار مەن ەرەجەلەر قايتا قارالادى.
كەسٸپتٸك-تەحنيكالىق بٸلٸم سالاسىندا «جالپىعا بٸردەي تەگٸن كەسٸپتٸك-تەحنيكالىق بٸلٸم» جوباسىن جٷزەگە اسىرۋ قاراستىرىلۋدا. الدىن-الا مەلٸمەت بويىنشا ول 47,3 مىڭ ادامدى قامتيدى, 65 جۇمىسشى ماماندىعى بويىنشا جاڭا مودۋلدٸك باعدارلاما ەزٸرلەنٸپ, جاڭا باعدارلامانى جٷزەگە اسىرۋ ٷشٸن 5 200 وقىتۋشى مەن ٶندٸرٸستٸك وقىتۋ شەبەرلەرٸ وقىتىلدى.
جوعارى جەنە جوعارعى وقۋ ورنىنان كەيٸنگٸ بٸلٸم سالاسىندا كورپوراتيۆتٸ باسقارۋ قاعيداسى ەنگٸزٸلٸپ, ٸشكٸ اۋديت قىزمەتٸ قۇرىلادى. جوو-نىڭ ۇيىمداستىرۋ-قۇقىقتىق فورماسى ٶزگەرٸپ, كوممەرتسييالىق ەمەس اكتسيونەرلٸك قوعامدارعا ٶتەدٸ. جوو-نا مەملەكەتتٸك اتتەستاتسييا حالىقارالىق اتتەستاتسييامەن اۋىستىرىلادى.
سونىمەن قاتار, دەنساۋلىق ساقتاۋ سالاسىندا ەلەۋمەتتٸك مەديتسينالىق ساقتاندىرۋ قورى جەنە ونىڭ فيليالدارىن قۇرۋ مەسەلەسٸ كٶتەرٸلدٸ. وسى جىلى مەديتسينالىق وقۋ ورىندارىندا پەدياترييا فاكۋلتەتٸ اشىلادى جەنە پەدياترييا ۋچاسكەلەرٸ قالپىنا كەلتٸرٸلٸپ, ٶڭٸرلەردەگٸ بارلىق ەمحانالاردا ەلەكتروندى كەزەك ەنگٸزٸلەدٸ. حالىقارالىق ستاندارتتارعا سەيكەس كەزەڭ-كەزەڭٸمەن ونكولوگييالىق ديسپانسەرلەر بازاسىندا ورتالىقتاندىرىلعان حيمييالىق پرەپاراتتاردى قۇرۋ كابينەتتەرٸ اشىلادى. سونداي-اق, دەرٸ-دەرمەك باعاسىنا رەگرەسسيۆتٸ ٶلشەم ەنگٸزۋ مەسەلەسٸ قارالدى.
