فوتو: ansa.it
يتالييانىڭ لامپەدۋزا ارالىندا ميگرانتتار مٸنگەن قايىق اپاتقا ۇشىراپ, 41 ادام مەرت بولدى, دەپ حابارلايدى قازاقپارات اگەنتتٸگٸ ۆۆس-گە سٸلتەمە جاساپ.
اپاتتان 4 ادام امان قالعان. ولار قۇتقارۋشىلارعا قايىقتا بارلىعى 45 ادام, سونىڭ ٸشٸندە ٷش بالا بولعانىن ايتقان.
كەمە تۋنيستەگٸ سفاكس قالاسىنان شىققان. بٸرنەشە ساعاتتان كەيٸن اۋدارىلىپ, سۋعا باتىپ كەتكەن. سفاكس – لامپەدۋزادان شامامەن 130 شاقىرىم جەردەگٸ پورتتى قالا. تۋنيس بيلٸگٸنٸڭ ايتۋىنشا, بۇل جەردەن ميگرانتتار قاۋٸپسٸز ٶمٸر ٸزدەپ ەۋروپاعا زاڭسىز اتتانادى.
امان قالعان ادامداردى مالتا جٷك كەمەسٸ شىعارىپ الىپ, يتالييا جاعالاۋ كٷزەتٸنە تابىستاعان.
كەيٸنگٸ ەكٸ كٷندە يتالييالىق پاترۋلدٸك كاتەر مەن قايىرىمدىلىق توپتارى لامپەدۋزاعا كەلگەن 2 مىڭعا جۋىق ادامدى قۇتقارعان. جەكسەنبٸ يتالييانىڭ جاعالاۋ كٷزەتٸ تاعى ەكٸ كەمە اپاتقا ۇشىراپ, 30 ادام ٸز-تٷزسٸز جوعالعانىن ايتسا, دٷيسەنبٸ كٷنٸ تۋنيس بيلٸگٸ سفاكس ماڭىندا 11 ادامنىڭ مەيٸتٸن تاپتى. يتالييا ٸشكٸ ٸستەر مينيسترلٸگٸنٸڭ دەرەگٸ بويىنشا, جىل باسىنان يتاليياعا تەڭٸز ارقىلى 93700 زاڭسىز ميگرانت كەلگەن. بىلتىر وسى كەزەڭدە ولاردىڭ سانى 44700 بولدى.
