ٶزبەكستان باس پروكۋراتۋراسى ەلدٸڭ تۇڭعىش پرەزيدەنتٸ يسلام كاريموۆتٸڭ ٷلكەن قىزى گٷلنارا كاريموۆا "جازا ٶتەۋ تەرتٸبٸن بۇزعانى" ٷشٸن سوت ٷكٸمٸمەن تٷزەۋ كولونيياسىنا جٸبەرٸلگەنٸن حابارلادى. كاريموۆانىڭ قىزى يمان "انامدى ۇرلادى" دەپ بيلٸكتٸ ايىپتادى.
"جازا ٶتەۋ شارتىن قاساقانا بۇزدى"
ٶزبەكستان باس پروكۋراتۋراسى 5 ناۋرىزدا ياشناباد اۋداندىق قىلمىستىق ٸستەر جٶنٸندەگٸ سوتى "جازا ٶتەۋ شارتى مەن تەرتٸبٸن قاساقانا بۇزعان" گٷلنارا كاريموۆانىڭ جازاسىن ٶزگەرتكەنٸن حابارلادى. ٸشكٸ ٸستەر مينيسترلٸگٸ جانىنداعى جازانى ورىنداۋ قىزمەتٸنٸڭ ۇسىنىسى بويىنشا, سوت 2018 جىلدىڭ ماۋسىمىنان بەرٸ ٷيقاماقتا ۇستالعان گٷلنارا كاريموۆانى تٷزەۋ كولونيياسىنا جٸبەرگەن.
46 جاستاعى گٷلنارا كاريموۆانى سول كٷنٸ تاشكەنتتەگٸ قىزىنىڭ پەتەرٸنەن بيلٸك ٶكٸلدەرٸ الىپ كەتكەن. بۇل تۋرالى ونىڭ قىزى يمان كاريموۆا Instagram ەلەۋمەتتٸك جەلٸسٸ ارقىلى جازدى.
"شامامەن ساعات 19:00 كەزٸندە ٶزبەك پروكۋراتۋراسىنىڭ قىزمەتكەرلەرٸ تاشكەنتتەگٸ پەتەرٸمە باسا-كٶكتەپ كٸرٸپ كەلدٸ. مەرزٸمٸنەن بۇرىن شارتتى تٷردە بوستاندىققا شىققان انام وسى پەتەردە 2018 جىلدىڭ ماۋسىم ايىنىڭ سوڭىنان بەرٸ تۇرادى. ولاردىڭ [پروكۋراتۋرا ٶكٸلدەرٸ – رەد.] بٸرٸ ەۋەلٸ "باسشىلىق" اتىنان اناما قوقان-لوقى جاساپ, بٸرنەشە مينۋتتان سوڭ پروكۋراتۋرانىڭ ٶزگە قىزمەتكەرلەرٸمەن بٸرگە جەتٸپ كەلٸپ, انامدى بەلگٸسٸز جاققا الىپ كەتتٸ" دەپ جازدى ول.
Instagram-داعى اككاۋنتىندا بۇلىڭعىر بٸرنەشە سۋرەت جارييالاعان يمان كاريموۆا "انامدى ۇرلاپ ەكەتتٸ" دەپ بيلٸكتٸ ايىپتاعان.
ٶزبەكستان باس پروكۋراتۋراسى گٷلنارا كاريموۆا 2018 جىلى قاراشانىڭ 22-ٸ كٷنٸ پەتەرٸنەن ٶز بەتٸمەن شىعىپ كەتكەننەن كەيٸن وعان ەسكەرتۋ جاسالعانىن ايتادى.
"ەسكەرتۋدەن قورىتىندى شىعارماعان گ.كاريموۆا جازا ٶتەۋ شارتى مەن تەرتٸبٸن قاساقانا بۇزۋىن قويماعان. ول بايلانىس قۇرالدارىن, سونىڭ ٸشٸندە ينتەرنەتتٸ بٸرنەشە رەت پايدالانعان; قىلمىستىق ٸس بويىنشا انىقتالعان ٶزٸ كەلتٸرگەن زيياندى ٶتەۋگە بەلسەندٸ تٷردە بٶگەت جاساعان" دەيدٸ پروكۋراتۋرا.
بيلٸك كاريموۆانىڭ بايلانىس قۇرالدارىن قانداي ماقساتقا پايدالانعانىن اشىپ ايتپاعان.
"بيلٸك مۇراگەرٸنٸڭ" تۇتقىنعا اينالۋى
وسىدان ونشاقتى جىل بۇرىن, ٶزبەكستاندى ۋىسىندا ۇستاعان پرەزيدەنت ەكەسٸنٸڭ كٶزٸ تٸرٸسٸندە گٷلنارا كاريموۆا جارقىراعان كيٸمٸ جەنە ەنشٸلٸك ٶنەرٸمەن جۇرت نازارىنان تٷسپەيتٸن. ديپلوماتييالىق سالادا قىزمەت اتقاردى. كەي ساراپشىلار ونى ەلدٸ 27 جىل باسقارىپ, 2016 جىلى قىركٷيەكتە قايتىس بولعان يسلام كاريموۆتٸڭ بيلٸكتەگٸ مۇراگەرٸ سانايتىن.
2013 جىلى شۆەتسييالىق باسىلىمداردا ٶزبەكستانعا ينۆەستيتسييا سالۋعا ىقىلاس بٸلدٸرگەن حالىقارالىق كوممۋنيكاتسييالىق كومپانييالار گٷلنارا كاريموۆاعا پارا بەرۋگە مەجبٷر بولعانى تۋرالى جازا باستادى. ورتالىق ازيياداعى حالقى ەڭ كٶپ پوستسوۆەتتٸك ەلگە موبيلدٸك بايلانىس قىزمەتٸن ۇسىناتىندار قىزىعا قارايتىن. باتىس باسىلىمدارىندا جارييالانعان شۋلى ماقالالاردان كەيٸن شۆەتسييا, شۆەيتسارييا, نيدەرلاند, اقش جەنە باسقا ەلدەردە تەرگەۋ باستالىپ, ٸرٸ تەلەكوممۋنيكاتسييالىق كومپانييالاردىڭ ٸس-ەرەكەتٸن تەكسەرگەن.
2014 جىلى گٷلنارا كاريموۆا كٶپتٸڭ كٶزٸنە تٷسپەي كەتتٸ. كەيٸن ٶزبەكستان بيلٸگٸ جەمقورلىق جەنە باسقاداي ايىپتار تاعىلىپ, ٷستٸنەن ٸس قوزعالعان گٷلنارا كاريموۆانىڭ ٷيقاماقتا وتىرعانى تۋرالى اقپارات تاراتتى. 2015 جىلى تامىزدا تاشكەنت سوتى كاريموۆانى سالىقتان جالتاردى, قارجى جىمقىردى, بوپسالادى جەنە وففشور كومپانييالارىنىڭ قۇجاتتارىن جويدى دەپ ايىپتاپ, باس ەركٸندٸگٸن بەس جىلعا شەكتەگەنٸن ٶزبەكستان رەسمي ورگاندارى تەك ەكٸ جىلدان كەيٸن حابارلاعان ەدٸ.
گٷلنارا كاريموۆاعا تيەسٸلٸ دەلٸنگەن قارجىنىڭ كٶبٸ - 800 ميلليون دوللار شۆەيتسارييا بانكتەرٸنەن تابىلىپ, بۇعاتتالعان. كاريموۆاعا پارا بەرگەنٸن مويىنداعان گوللاندييالىق تەلەكوممۋنيكاتسييالىق كومپانييا اقش پەن نيدەرلاندقا 795 ميلليون دوللار ايىپپۇل تٶلەۋگە كەلٸستٸ. بۇل اقش تاريحىنداعى ەڭ ٸرٸ ايىپپۇلداردىڭ بٸرٸ بولدى.
ٶتكەن ايدا شۆەتسييا سوتى Telia (بۇرىنعى TeliaSonera) تەلەكوممۋنيكاتسييالىق كومپانيياسىنىڭ بۇرىنعى ٷش جەتەكشٸسٸن اقتاۋ تۋرالى شەشٸم شىعارعان. ولارعا گٷلنارا كاريموۆاعا اسا ٸرٸ كٶلەمدە پارا بەرگەن دەگەن ايىپ تاعىلعان بولاتىن.
