ٶزبەكستان پرەزيدەنتٸ يسلام كەرٸموۆتٸڭ قىزى لولا كەرٸموۆا-تيللياەۆا ٶزبەكستان حالقىن تەۋەلسٸزدٸك كٷنٸمەن قۇتتىقتادى, - دەپ حابارلايدى kaz.tengrinews.kz تٸلشٸسٸ ونىڭ Instagram جەلٸسٸندەگٸ پاراقشاسىنا سٸلتەمە جاساپ.
"وتانداستارىمدى شىن جٷرەگٸممەن تەۋەلسٸزدٸك كٷنٸمەن قۇتتىقتايمىن! بٸزدٸڭ ەڭبەكقور ەرٸ شەكسٸز دارىندى, قايىرىمدى ٶزبەكستان حالقىنا باقىت, گٷلدەنۋ مەن ٶركەندەۋ تٸلەيمٸن! بەرەكەلٸ جەرٸمٸزدە تٷرلٸ ۇلتتار مەن تٷرلٸ دٸن ٶكٸلدەرٸنٸڭ اراسىندا بەيبٸتشٸلٸك پەن تىنىشتىق, تولەرانتتىلىق جەنە ٶزارا قۇرمەت بولسىن!", - دەپ جازدى پرەزيدەنتتٸڭ كەنجە قىزى.
سونىمەن قاتار, ول پرەزيدەنتكە ايتىپ جاتقان جىلى سٶزدەرٸ مەن اق تٸلەكتەرٸ ٷشٸن حالقىنا العىسىن بٸلدٸردٸ. "بۇل بٸز ٷشٸن ٶتە ماڭىزدى, جٷرەكتەرٸڭٸزدٸڭ تٶرٸنەن شىعىپ جاتقان جاقسىلىقتارىڭىزدىڭ كٷشٸ ونىڭ ايىعىپ كەتۋٸنە كٶمەكتەسٸپ جاتقانىنا سەنٸمدٸمٸن! كٶپ راقمەت!", - دەپ جازدى ول.
ايتا كەتەيٸك, وسىعان دەيٸن ٶزبەكستاندا ەل تەۋەلسٸزدٸگٸنٸڭ 25 جىلدىعىنا وراي 31 تامىزعا بەلگٸلەنگەن سالتاناتتى شارالار كەيٸنگە قالدىرىلعانى حابارلانعان بولاتىن. ال ونىڭ الدىندا ٶزبەكستان پرەزيدەنتٸنٸڭ قايتىس بولعانى تۋرالى قاۋەسەتتەر تاراعان ەدٸ. الايدا بۇل مەلٸمەت رەسمي تٷردە ناقتىلانبادى.
