ٶزبەكستاندا ەلدٸ 27 جىل بويى ٷزدٸكسٸز باسقارعان تۇڭعىش پرەزيدەنتٸنٸڭ جەرلەۋ رەسٸمٸ ٶتتٸ. قىركٷيەكتٸڭ 2-سٸندە 79 جاسقا قاراعان شاعىندا اۋرۋحانادا ينسۋلتتان قايتىس بولعان پرەزيدەنتتٸڭ سٷيەگٸ سالىنعان تابىتتى تاشكەنتتەن كاريموۆتٸڭ تۋعان جەرٸ سامارقانعا بٷگٸن ەكەلدٸ. ەلدە ٷش كٷندٸك ازا تۇتۋ جارييالاندى.
تاشكەنتتە اۋرۋحانادان ەۋەجايعا دەيٸن قارالى كورتەج جٷرٸپ ٶتكەن جول بويىنا مىڭداعان جەرگٸلٸكتٸ تۇرعىن شىقتى. ٶزبەكستان تەلەارناسى پرەزيدەنتتٸڭ جۇبايى تاتيانا كاريموۆا مەن ەكەۋٸنٸڭ كەنجە قىزى لولا كاريموۆا-تيللياەۆانىڭ مارقۇمنىڭ تابىتىنىڭ سوڭىنان ەرٸپ كەلە جاتقان سەتٸن كٶرسەتتٸ. سامارقاندا كاريموۆتٸڭ سٷيەگٸ سالىنعان تابىتتى مىڭداعان تۇرعىن كٷتٸپ الدى. كٶپتەگەن ادام قايعىرىپ, جىلاپ تۇردى, جۇرت كورتەج جٷرٸپ ٶتكەن جولدىڭ بويىنا گٷل قويىپ جاتتى.
جەرلەۋ رەسٸمٸ بەلگٸلٸ رەگيستان الاڭىندا ٶتتٸ. ٶزبەكستاننىڭ تۇڭعىش پرەزيدەنتٸن ورتا عاسىردا ٶمٸر سٷرگەن قايراتكەرلەر مەن يسلام كاريموۆتٸڭ ەكە-شەشەسٸ جەرلەنگەن شاحي-زيندا تاريحي زيراتىنا جەرلەدٸ. كەيٸنگٸ 20 جىلدا ەشكٸم جەرلەنبەگەن زيراتقا ەندٸ كاريموۆتٸڭ ٶزٸ قويىلدى.
30 ميلليونداي حالقى بار ەلدٸ ٶتپەلٸ كەزەڭدە كٸم باسقاراتىنى يسلام كاريموۆتٸ جەرلەگەن كٷنٸ بەيمەلٸم بولدى. كاريموۆ حالىقتى اينالاسىنداعى جاقىن ادامدارىمەن بٸرگە اۆتوريتارلىق رەجيم ورناتىپ باسقاردى, ال رەجيمگە كٶنبەگەندەر ەلدٸڭ قاۋٸپسٸزدٸك قىزمەتٸنٸڭ قۋدالاۋىنا ۇشىرادى.
ەگەر ەل پرەزيدەنتٸ ٶز مٸندەتٸن اتقارا المايتىن بولسا, ٶزبەكستان كونستيتۋتسيياسى بويىنشا ونىڭ ٶكٸلەتتٸگٸ ٷش ايعا پارلامەنتتٸڭ جوعارعى پالاتاسىنىڭ تٶراعاسىنا جٷكتەلەدٸ. قازٸر ول قىزمەتتە نيگماتيللا يۋلداشەۆ وتىر. يسلام كاريموۆتٸ جەرلەۋ رەسٸمٸن ۇيىمداستىرۋ كوميسسيياسىن پرەمەر-مينيستر شاۆكات ميرزياەۆ باسقاردى.
ٶزبەكستان پرەزيدەنتٸ يسلام كەرٸموۆتٸ سوڭعى ساپارعا شىعارىپ سالعان كٷنٸ. تاشكەنت, 3 قىركٷيەك 2016 جىل.
يسلام كاريموۆتٸ جەرلەۋ رەسٸمٸنە قازاقستاندىق دەلەگاتسييانى پرەمەر-مينيستر كەرٸم مەسٸموۆ باستاپ باردى. قىرعىزستان مەن رەسەيدەن دە پرەزيدەنت ەمەس, پرەمەر-مينيسترلەر دەڭگەيٸندەگٸ دەلەگاتسييالار باردى. قىتايدا رەسمي ساپاردا جٷرگەن قازاقستان پرەزيدەنتٸ نۇرسۇلتان نازارباەۆ بۇعان دەيٸن ٶزبەكستان پارلامەنتٸ سەناتىنىڭ تٶراعاسى نيگماتيللا يۋلداشەۆكە كٶڭٸل ايتىپ, جەدەلحات جولداعان. سامارقانداعى جەرلەۋ رەسٸمٸنە تەجٸكستان پرەزيدەنتٸ ەمومالي راحمون قاتىستى. ازاتتىقتىڭ ورىس قىزمەتٸنٸڭ حابارلاۋىنشا, رەسەي پرەزيدەنتٸ ۆلاديمير پۋتين «جۇمىس كەستەسٸ تىعىز» دەگەن ۋەجبەن جەرلەۋگە بارماعان. رەسەي دەلەگاتسيياسىن پرەمەر-مينيستر دميتريي مەدۆەدەۆ باستاپ باردى. كاريموۆتٸ جەرلەۋ رەسٸمٸنە اراسىندا اۋعانستان, ورتالىق ازييا ەلدەرٸ, گرۋزييا, وڭتٷستٸك كورەيا, بەلارۋس جەنە ۋكراينا ٶكٸلدەرٸ بار ەلەمنٸڭ 17 ەلٸنەن دەلەگاتسييا باردى.
يسلام قاريموۆتٸڭ قازاسىنا وراي قىتاي پرەزيدەنتٸ سي تسزينپين ول ٶزبەكستاننىڭ «دامۋى مەن ٶركەندەۋٸنە تاريحي ٷلەس قوستى» دەپ مەلٸمدەدٸ. اقش پرەزيدەنتٸ باراك وباما «ٶزبەكستان ٶز تاريحىنىڭ جاڭا تاراۋىن باستايدى, ال اقش ٶزبەكستانمەن ەرٸپتەستٸگٸن جالعاستىرا بەرەدٸ ەرٸ بۇل ەلدٸڭ بولاشاعى ازاماتتارىنىڭ قۇقىعىن قورعاۋعا نەگٸزدەلەدٸ» دەپ بٸلەتٸنٸ جايلى مەلٸمدەگەن.
