جىل باسىنان بەرٸ قارجىلىق مونيتورينگ اگەنتتٸگٸ ٸٸم جەنە شەكارا قىزمەتٸمەن بٸرلەسٸپ جانار-جاعارماي ماتەريالدارىن ەل اۋماعىنان زاڭسىز شىعارۋدىڭ 712 ەرەكەتٸنٸڭ جولىن كەستٸ, دەپ حابارلايدى ult.kz.
مۇناي ٶنٸمدەرٸنٸڭ زاڭسىز اينالىمى مەن كونترابانداسى فاكتٸلەرٸ بويىنشا 8 سوتقا دەيٸنگٸ تەرگەپ-تەكسەرۋ باستالدى.
مەسەلەن, ماڭعىستاۋ وبلىسىندا 2022 جىلدان بەرٸ ەسەپكە الىنباعان 28,5 مىڭ توننادان استام مۇنايدى ٶڭدەگەن زاڭسىز شاعىن مۇناي ٶڭدەۋ زاۋىتىنىڭ قىزمەتٸ ەشكەرەلەندٸ. ٶندٸرٸلگەن ٶنٸم مازۋت رەتٸندە رەسٸمدەلٸپ, شەتەلگە شىعارىلعان.
تٷركٸستان وبلىسىندا مەملەكەتتٸك شەكارا استىنان ارنايى قازىلعان توننەل ارقىلى ٶزبەكستان رەسپۋبليكاسىنا بەنزين كونترابانداسىن ۇيىمداستىرعان ترانسۇلتتىق قىلمىستىق توپتىڭ زاڭسىز قىزمەتٸ توقتاتىلدى. اتالعان ٸس بويىنشا كٸنەلٸ تۇلعالار ۇزاق مەرزٸمگە باس بوستاندىعىنان ايىرىلدى.
سونىمەن قاتار, قىرعىز رەسپۋبليكاسىنا اي-92 ماركالى بەنزيندٸ زاڭسىز تاسىمالداۋمەن اينالىسقان قىلمىستىق توپقا قاتىستى تەرگەۋ اياقتالدى. زاڭسىز شىعارىلعان جانارماي كٶلەمٸ 190 مىڭ توننادان اسىپ, ونىڭ قۇنى 37 ملرد تەڭگەدەن جوعارى بولعان.
كەزەكتٸ زاڭسىز تاسىمالداۋ ەرەكەتٸ كەزٸندە «تٷركسٸب» ستانتسيياسىندا شامامەن 500 توننا بەنزين تيەلگەن 8 تەمٸرجول تسيستەرناسى ۇستالدى. قۇنى 138 ملن تەڭگە بولاتىن تەركٸلەنگەن بەنزين مەملەكەت كٸرٸسٸنە اينالدىرىلدى.
ەلدٸڭ ەكونوميكالىق قاۋٸپسٸزدٸگٸن قامتاماسىز ەتۋ جەنە جانار-جاعارماي تاپشىلىعىنا جول بەرمەۋ ماقساتىندا اگەنتتٸك مۇناي ٶنٸمدەرٸن زاڭسىز تاسىمالداۋ سحەمالارىن انىقتاۋ جەنە جولىن كەسۋ جۇمىستارىن جٷيەلٸ تٷردە جالعاستىرۋدا.
