فوتو: قر دسم
الماتى بالالار شۇعىل مەديتسينالىق كٶمەك كٶرسەتۋ ورتالىعىندا قازاقستاندىق دەرٸگەرلەر توبى جاڭا تۋعان نەرەستەگە ەلەمدٸك تەجٸريبەدە نەبەرٸ 30 رەت تٸركەلگەن اسا سيرەك كەزدەسەتٸن پاتولوگييا بويىنشا سەتتٸ وتا جاسادى, دەپ حابارلايدى Ult.kz.
سەبيدٸڭ ٶمٸرٸ ٷشٸن كٷرەس ونىڭ جارىق دٷنيەگە العاش كەلگەن سەتٸنەن باستالدى, سەبەبٸ بەت پەن مويىن تۇسىندا پايدا بولعان 4ح4 سم كٶلەمدەگٸ ٷلكەن ٶسكٸن كەڭٸردەك پەن جوعارعى تىنىس جولدارىن قىسىپ تاستاعاندىقتان, نەرەستە ٶزدٸگٸنەن دەم الا المادى.
جاڭا تۋعان نەرەستەلەر رەانيماتسيياسى بٶلٸمشەسٸنٸڭ مەڭگەرۋشٸسٸ ۇلىقپان ەلسەيٸتوۆتىڭ ايتۋىنشا, بالانىڭ جاعدايى ٶتە اۋىر بولعان. دەرٸگەرلەر باستاپقىدا بۇل قاتەرسٸز ٸسٸك – ليمفانگيوما دەپ توپشىلاعانىمەن, رەنتگەن, كت جەنە مرت ٶسكٸننٸڭ ٶمٸرلٸك ماڭىزى بار قان تامىرلار مەن شەتكٸ جٷيكە تالشىقتارىن دا قامتىعانىن كٶرسەتتٸ.
ورتالىقتىڭ جاق-بەت حيرۋرگٸ, مەديتسينا عىلىمدارىنىڭ دوكتورى سەرٸك نۇرماعانوۆتىڭ باسشىلىعىمەن جەنە انەستەزيولوگ ۇلىقپان ەلسەيٸتوۆ, نەوناتالدى حيرۋرگ ساماتبەك مىرزاحمەت قاتىسقان ەكٸ ساعاتتىق كٷردەلٸ وتا نەتيجەسٸندە كٶلەمدٸ تٷزٸلٸس تولىقتاي الىنىپ تاستالدى. الايدا, گيستولوگييالىق زەرتتەۋ نەتيجەلەرٸ «ٸسٸك» دەپ ويلاعان تٸننٸڭ گەتەروتوپييالىق مي تٸنٸ ەكەنٸن انىقتادى. بۇل – ەمبريون دامۋى كەزٸندە مي جاسۋشالارىنىڭ باس سٷيەك قۋىسى سىرتىندا ورنالاسۋىنان تۋىندايتىن اسا سيرەك تۋا بٸتكەن انومالييا. دٷنيەجٷزٸلٸك مەديتسينالىق ەدەبيەتتە وسىعان ۇقساس نەبەرٸ 30 جاعداي عانا سيپاتتالعان.
قايعىلى اياقتالۋى مٷمكٸن وقيعا تولىقتاي سەتتٸ اياقتالىپ, سەبي ٷيٸنە شىعارىلدى. ورتالىق ديرەكتورى ەلٸبەك سماعۇلوۆ پرەناتالدىق دياگنوستيكانىڭ ماڭىزى زور ەكەنٸن جەنە مۇنداي ناۋقاستاردىڭ ٶمٸر سٷرۋ مٷمكٸندٸگٸ جوعارى ەكەنٸن اتاپ ٶتتٸ.
