ەلٸمٸزدٸڭ بٸرقاتار ٶڭٸرٸندە پارا العانى ٷشٸن ٸستٸ بولعان پوليتسييا قىزمەتكەرلەرٸنە سوت ٷكٸمٸ شىقتى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنەن مەلٸم ەتتٸ, دەپ حابارلايدى "ۇلت اقپارات".
«قر سىبايلاس جەمقورلىققا قارسى ٸس-قيمىل اگەنتتٸگٸ مەملەكەتتٸك ورگاندارداعى جەمقورلىق كٶرٸنٸستەرٸنٸڭ الدىن الۋ جەنە جولىن كەسۋ جۇمىستارىن تۇراقتى نەگٸزدە ٷنەمٸ جٷرگٸزٸپ كەلەدٸ. ولاردىڭ كەيبٸرٸندە, ونىڭ ٸشٸندە ٸشكٸ ٸستەر ورگاندارىندا جەمقورلىق تەۋەكەلٸنٸڭ دەڭگەيٸ جوعارى بولىپ تۇر. مەسەلەن, رەسپۋبليكا ٶڭٸرلەرٸندە تٷرلٸ لاۋازىمدى قىزمەت اتقارعان پوليتسييا قىزمەتكەرلەرٸنە قاتىستى ٶتكەن اپتادا ايىپتاۋ ٷكٸمٸ شىقتى», - دەلٸنگەن ۆەدومستۆو تاراتقان اقپاراتتا.
اتاپ ايتقاندا, قاراعاندى قالاسى وكتيابر اۋداندىق سوتىنىڭ ٷكٸمٸمەن جٷك اۆتوكٶلٸك قۇرالىنىڭ كەدەرگٸسٸز جٷرۋٸ مەن جالپى قامقورلىعى ٷشٸن جەكە تۇلعادان پارا العان جول-شولعىنشى پوليتسييا پولكٸنٸڭ روتا كومانديرٸ, پوليتسييا مايورى م.كاسكينگە ايىپپۇل سالىندى. ال قوستاناي قالاسىنىڭ №2 سوتىنىڭ ٷكٸمٸمەن جالپى قامقورلىعى ٷشٸن قاراماعىنداعى قىزمەتكەرلەرٸنەن پارا الىپ, بيلٸگٸن اسىرا پايدالانعان جەتٸقارا قالالىق پوليتسييا بٶلٸمٸ جەرگٸلٸكتٸ پوليتسييا بٶلٸمٸنٸڭ بٶلٸمشە باستىعى, پوليتسييا مايورى ق.ىسقاقوۆ 15 ملن تەڭگە ايىپپۇل تٶلەيتٸن بولدى. دەل وسى قالالىق سوتتىڭ ٷكٸمٸمەن جەڭگەتايلىقپەن اينالىسقان تۇلعانىڭ قىلمىستىق ەرەكەتتەرگە قامقورلىق تانىتقانى ٷشٸن قوستاناي وبلىستىق پوليتسييا دەپارتامەنتٸ ۇيىمداسقان قىلمىسپەن كٷرەس باسقارماسىنىڭ جەدەل ۋەكٸلٸ پوليتسييا مايورى م.ەربولۇلى مەن پوليتسييا كاپيتانى ا.ساقوۆ 5 جىلدارىن تٷرمەدە ٶتكٸزەدٸ. ٶسكەمەن قالالىق №2 سوتىنىڭ ٷكٸمٸمەن كٷدٸكتٸنٸ قىلمىستىق جاۋاپكەرشٸلٸكتەن جالتارتقانى ٷشٸن 250 مىڭ تەڭگە پارا العان ٷلبٸ اۋداندىق پوليتسييا بٶلٸمٸنٸڭ اعا تەرگەۋشٸسٸ د.القانوۆ 7,5 ملن تەڭگە ايىپپۇل تٶلەيدٸ.
«اتالعان تۇلعالاردىڭ بارلىعى ٶمٸر بويى مەملەكەتتٸك قىزمەتتە لاۋازىمدى قىزمەت اتقارۋ قۇقىقتارىنان, سونىمەن قاتار پوليتسييا وفيتسەرٸ ارنايى شەندەرٸنەن ايىرىلدى», - دەپ اتاپ ٶتەدٸ اگەنتتٸكتەن.
