ەلوردا باسشىسى ەسەت يسەكەشەۆ استاناداعى جاڭبىر سالدارىنان كٶشەلەردٸ الىپ كەتەتٸن سۋدى شىعارۋمەن اينالىساتىن ارنايى كەسٸپورىن اشۋدى ۇسىندى, دەپ حابارلايدى قازاقپارات تٸلشٸسٸ.
ٷكٸمەت وتىرىسىندا باقىتجان ساعىنتاەۆتىڭ سۇراعىنا جاۋاپ بەرگەن ەسەت يسەكەشەۆتٸڭ ايتۋىنشا, استاناداعى كەرٸز بەن قالادان سۋ شىعارۋ جٷيەسٸ شاھاردا ٷش جىلدىق باعدارلاماعا بايلانىستى دايىندالعان.
«ەكٸمدٸك ٶتە اۋقىمدى جۇمىستاردى اتقاردى. ٶتكەن جىلى تۇران مەن ۇلى دالا كٶشەلەرٸنٸڭ, 31-شٸ كٶشەنٸڭ, كٶكتال كەنتٸ مەن مىڭ جىلدىق اللەياسىنىڭ تازارتۋ قۇرىلىمىن اياقتادىق. بٸر جىلدىڭ ٸشٸندە قارقىندى قاداممەن تۇران-سىعاناق تازارتۋ قۇرىلىمدارىنىڭ كٷردەلٸ جٶندەۋٸن اياقتادىق. ەلبەتتە, كٷردەلٸ ۋچاستوكتار بار. ەسٸرەسە, اقبۇلاق, مومىشۇلى جاققا ابىلاي حان كٶشەلەرٸنەن, جاستار شاعىناۋدانى مەن وڭتٷستٸك-شىعىستان جەنە قوشقارباەۆ, تەۋەلسٸزدٸك, مىڭ جىلدىق پەن ٶزگە دە جاقتان سۋ جينالادى. سۋ اعىزىپ شىعارۋدى ەكٸ ەسەگە كٷشەيتۋ ٷشٸن كٷردەلٸ تەحنيكالىق شەشٸم تابىلدى. 2019 جىلى ول جٷزەگە اسادى. وسىلايشا, قارجىلاندىرۋدى ەسكەرە وتىرىپ, جۇمىس قارقىندى تٷردە جٷرگٸزٸلۋدە. ٷش جىلدىڭ ٸشٸندە نەگٸزگٸ مەسەلەلەر شەشٸمٸن تاباتىن بولادى», - دەدٸ ول.
قالا باسشىسى سونىمەن بٸرگە سوڭعى كٷندەرٸ تٸركەلگەن جاعدايلار بويىنشا سٶز قوزعادى.
«قازگيدرومەتتٸڭ مەلٸمەتٸنە سەيكەس, بٸر جارىم تەۋلٸكتٸڭ ٸشٸندە ايلىق نورمادان بٸر جارىم ەسە كٶپ جاۋىن جاۋعان. 21 تامىزدا كٷنٸمەن جاڭبىر جاۋدى. 20 تامىزدا 17 ساعات بويى تىنىمسىز تاعى نٶسەر بولدى. ٷش كٷردەلٸ ۋچاستوك بويىنشا سۋ كٶلكۋ جاعدايى تٸركەلدٸ. ول جەرلەردەن نورماتيۆ بويىنشا سۋ سورىلىپ, سىرتقا شىعارىلدى», - دەيدٸ ەسەت يسەكەشەۆ.
شاھار باسشىسى كوممۋنالدىق قىزمەتتەر ەكٸ تەۋلٸك بويى تىنىمسىز جۇمىس جٷرگٸزگەنٸن اتاپ ٶتتٸ.
«جاۋىنعا ارنالعان كەرٸز جٷيەلەرٸ جاقسى جاسالعان سينگاپۋر, مەسكەۋ, كيەۆتە, گەرمانييانىڭ, اقش پەن فرانتسييانىڭ قالالارىندا دا تىنىمىز جاۋىن سالدارىنان سۋدىڭ كٶلكٸپ كەتۋ جاعدايى بولعانىن اتاپ ٶتكٸم كەلەدٸ. ەكٸمدٸك ٷكٸمەتپەن بٸرگە اتالمىش مەسەلەنٸ جٸتٸ باقىلاۋىندا ۇستاپ وتىر. باقىتجان ەبدٸرۇلى, قازٸر تابيعي مونوپولييالار تۋرالى زاڭدا جاڭبىر سۋىن شىعارۋ قىزمەتٸ رەتتەلمەگەن. مٸنە, سوندىقتان بٸز استانادا كەسٸپورىن قۇرۋ تۋرالى شەشٸم قابىلداعىمىز كەلەدٸ. «استانا تازالىقتىڭ» بازاسىندا كەرٸز جٷيەلەرٸن بالانستا ۇستايتىن كەسٸپورىن قۇراتىن ۋاقىت كەلدٸ. وسىعان بايلانىستى جاۋاپتى مينيسترلٸككە تاپسىرما بەرۋٸڭٸزدٸ, «استانا تازالىقتى» جەكەشەلەندٸرۋ باعدارلاماسىنان شىعارىپ تاستاۋىڭىزدى سۇرايمىن», - دەدٸ ەسەت يسەكەشەۆ.
ەسكە سالا كەتسەك, بٷگٸنگٸ ٷكٸمەت وتىرىسىندا باقىتجان ساعىنتاەۆ سوڭعى كٷندەرٸ نٶسەر سالدارىنا بايلانىستى ەلوردانىڭ كوممۋنالدىق قىزمەتتەرٸنٸڭ جۇمىسىن كٷشەيتۋدٸ تاپسىرعان بولاتىن.
