قر پرەزيدەنتٸ جولداۋىنداعى قازاقستاندىق عىلىمدى دامىتۋعا قاتىستى ويلار ۋاقىتىلى ايتىلعان پايىم. مۇنداي پٸكٸردٸ ل.گۋميلەۆ اتىنداعى ەۇۋ حالىقارالىق قاتىناستار كافەدراسىنىڭ دوتسەنتٸ, PhD دوكتورى دالەلحان ايبولات بٸلدٸردٸ, دەپ حابارلايدى قازاقپارات.
«مەملەكەت باسشىسىنىڭ ٶز جولداۋىندا قازاقستاندىق عىلىمدى دامىتۋعا قاتىستى بٸلدٸرگەن ويلارىن ۋاقىتىلى ايتىلعان پايىم دەپ باعالاۋعا بولادى. ٸرگەلٸ عىلىمدارعا بەرٸلەتٸن گرانتتاردىڭ مەرزٸمٸن 3 جىلدان 5 جىلعا ۇزارتۋ ٶتە ورىندى. كٶپتەگەن عىلىم سالالارىندا ٸرگەلٸ زەرتتەۋلەر جٷرگٸزۋ - عىلىمي گرانتتارعا قويىلاتىن باستى تالاپتاردىڭ بٸرٸ. ياعني زەرتتەۋ نەتيجەلەرٸن ەلەمدٸك بەدەلدٸ عىلىمي جۋرنالداردا جارييالاۋعا 3 جىلدىق مەرزٸم ازدىق ەتەتٸنٸ راس. عىلىمي گرانتتى جەڭٸپ العان كٶپتەگەن زەرتتەۋشٸلەر ۋاقىت تىعىزدىعىنان ٶز زەرتتەۋلەرٸن ساپالى اياقتاپ, زەرتتەۋ بارىسىندا قول جەتكٸزگەن زەرتتەۋ قورىتىندىلارىنىڭ شىنايىلىعىنا تولىققاندى كٶز جەتكٸزۋگە جەنە ەر عىلىمي ماقالانى ۇزاق ساراپتاپ, رەتسەنزييالايتىن حالىقارالىق رەيتينگٸ جوعارى جۋرنالدا ٶز جۇمىستارىن جارييالاپ ٷلگەرمەي جاتاتىندىعىن العا تارتادى. سونىڭ سالدارىنان كٶپتەگەن قازاقستاندىق عالىمدار ماقالالارىن اسىعىس «الاياق» جۋرنالداردا جارييالاپ, ەلٸمٸزدٸڭ عىلىم دەڭگەيٸ مەن بەدەلٸنە نۇقسان كەلتٸرٸپ جاتاتىنى جاسىرىن دٷنيە ەمەس»,- دەدٸ عالىم.
سونداي-اق, ول عىلىم گرانتتارىنىڭ بٶلٸنۋٸنە قاتىستى قازاقستاندىق عالىمداردىڭ ۋەجٸ دە كٶپ ەكەندٸگٸن العا تارتادى.
«بٸرنەشە جىل بۇرىن باسپاسٶز بەتتەرٸ مەن ەلەۋمەتتٸك جەلٸلەردە كٶپتەگەن عالىمدارىمىز ٶز جوبالارىنىڭ ساراپتاما كەزەڭٸندە جوعارى ۇپاي جيناعانىنا قاراماستان گرانتقا يە بولا الماي قالعانىن ايتىپ, عىلىم گرانتتارىن بٶلۋدە «بارماق باستى, كٶز قىستىلىق» كٶپ ەكەنٸن العا تارتقان ەدٸ. مەملەكەت باسشىسىنىڭ ۇلتتىق عىلىمي كەڭەستەردٸڭ شىعاراتىن شەشٸمدەرٸنٸڭ وبەكتيۆتٸ بولۋى ٷشٸن اپپەلياتسييا ينستيتۋتىن ەنگٸزۋدٸ ۇسىنۋى عىلىم گرانتتارىن بٶلۋ بارىسىندا تۋىندايتىن داۋ-دامايلاردى وڭتايلى شەشٸپ, عىلىمعا بٶلٸنگەن قارجىنى ناقتى لايىقتى عالىمدار مەن زەرتتەۋ توپتارىنىڭ يگەرۋٸنە سەپتٸگٸن تيگٸزەدٸ دەپ سەنەمٸن»,- دەدٸ دالەلحان ايبولات.
