تٷركٸستانعا يران يسلام رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ مادجيد سامادزادە سابەر جۇمىس ساپارىمەن كەلدٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ازيياداعى ٸرٸ مەملەكەتتٸڭ ٶكٸلٸمەن تٷركٸستان وبلىسى ەكٸمٸنٸڭ مٸندەتٸن اتقارۋشى ارمان سابيتوۆ كەزدەسٸپ, ەكونوميكالىق جەنە مەدەني بايلانىستاردى نىعايتۋ جٶنٸندە پٸكٸر الماستى. الدىمەن ەلشٸگە تٷركٸستان ٶڭٸرٸنٸڭ ينۆەستيتسييالىق ەلەۋەتٸ, ەكونوميكالىق كٶرسەتكٸشتەرٸ مەن مٷمكٸندٸكتەرٸ تانىستىرىلدى.
«بٷگٸنگٸ كەزدەسۋ قازاقستان مەن يران اراسىنداعى بايلانىستى ودان سايىن نىعايتادى دەپ سەنەمٸن. 2018 جىلى 18 ماۋسىمدا تٷركٸستان وبلىسى قۇرىلدى. تٷركٸستان قالاسىنىڭ وبلىس ورتالىعى اتانۋى شاھاردىڭ دامۋىنا, ينۆەستيتسييا تارتۋىنا سەرپٸن بەردٸ. ٶتكەن جىلى وبلىسقا تارتىلعان ينۆەستيتسييا كٶلەمٸ 1,5 ملرد. اقش دوللارىن قۇرادى. ال جالپى وبلىس قۇرىلعالى بەرٸ ينۆەستيتسييا كٶلەمٸ 5 ملرد. اقش دوللارىنا جەتتٸ. ٶڭٸرٸمٸز يندۋستريالدى-اگرارلى ايماقتار قاتارىنا كٸرەدٸ. ازىق-تٷلٸك, اۋىل شارۋاشىلىعى ٶنٸمدەرٸن شىعارۋدا وبلىس ەلٸمٸز بويىنشا ەكٸنشٸ ورىندا تۇر. ۋران قورى بويىنشا – بٸرٸنشٸ ورىندا. تۋريزمدٸ نەگٸزگٸ تابىس ەكەلۋشٸ سالاعا اينالدىرۋ باعىتىندا جۇمىس جٷرٸپ جاتىر. وبلىسقا 1,5 ملن. ساياحاتشى كەلدٸ, ٶڭٸرگە كەلۋشٸلەر سانىن 5 ميلليونعا جەتكٸزۋدٸ جوسپارلاپ وتىرمىز. يراندىق ينۆەستورلارمەن, كەسٸپكەرلەرمەن بٸرلەسە جۇمىس اتقارۋعا, ولارعا مٷمكٸندٸكتەر ۇسىنىپ, جاڭا جوبالاردى جٷزەگە اسىرۋعا دايىنبىز», – دەگەن ارمان سابيتوۆ يراندا تۇراتىن ياساۋيتانۋشى عالىمداردى قوجا احمەت ياساۋيدٸ زەرتتەۋ باعىتىندا تٷركٸستاندا ٶتەتٸن حالىقارالىق عىلىمي كونفەرەنتسيياعا قاتىسۋعا شاقىردى.
ٶز كەزەگٸندە يران ەلشٸسٸ جۋىردا قر پرەزيدەنتٸ قاسىم-جومارت توقاەۆتىڭ يرانعا ساپارى بارىسىندا 21 ماڭىزدى قۇجاتقا قول قويىلعانىن, ەكٸ مەملەكەت اراسىندا بايلانىس جاڭا ساتىعا كٶتەرٸلگەنٸن اتاپ ٶتتٸ. تٷركٸستان قالاسىنداعى زاماناۋي قۇرىلىستارعا جوعارى باعاسىن بەرٸپ, وسى ٶڭٸرمەن بايلانىستى كٷشەيتۋگە مٷددەلٸ ەكەنٸن ايتتى.
«تٷركٸستان قالاسىنا كەش تٷسە كەلسەم دە, شاھاردىڭ بٸراز بٶلٸگٸن ارالاپ ٷلگەردٸم. بۇعان دەيٸن قازاقستاننىڭ بٸرنەشە قالاسىندا بولعام. تٷركٸستاننىڭ ٶزٸندٸك ەرەكشەلٸگٸ بار ەكەن. يران مەن قازاقستان ٶزارا تاۋار اينالىمىن 3 ملرد. دوللارعا جەتكٸزۋدٸ كٶزدەپ وتىر. قازٸرگٸ تاڭدا ول كٶرسەتكٸش – 400 ملن. اقش دوللارى كٶلەمٸندە. قازاقستاننىڭ بٸرقاتار ٶڭٸرٸمەن بايلانىس ورناتىلىپ, جۇمىس جٷرٸپ جاتىر. ەندٸ تٷركٸستان وبلىسىمەن دە ٸسكەرلٸك, ەكونوميكالىق, مەدەني قارىم-قاتىناستى جانداندىرعىمىز كەلەدٸ. يران ينۆەستورلارىمەن كەزدەستٸرۋگە, ٸسكەرلٸك باسقوسۋلار ۇيىمداستىرۋعا دايىنبىز. تٷركٸستاندا ٶتەتٸن فورۋمدار, كٶرمەلەر مەن جيىندارعا دا دەلەگاتسييالار جٸبەرٸپ تۇرا الامىز. ەسٸرەسە اۋىل شارۋاشىلىعى, كەن يگەرۋ باعىتتارىندا يراننىڭ تەجٸريبەسٸ بار. مەسەلەن بٸز جٷگەرٸنٸ برازيلييادان يمپورتتايمىز. سول داقىلدى قازاقستاندا, ونىڭ ٸشٸندە تٷركٸستان وبلىسىندا ٶسٸرٸپ, ساتىپ الۋعا بولادى. قازٸر قازاقستاننىڭ جٷگەرٸسٸ تەك ٸشكٸ نارىقتارىڭىزعا عانا باعىتتالىپ وتىر. جالپى يران – ٷلكەن نارىق. ول نارىققا ەنۋ سٸزدەر ٷشٸن دە تيٸمدٸ ەكەنٸ انىق. تٷركٸستانمەن تٸكەلەي ەۋە رەيسٸن ورناتۋ مەسەلەسٸن دە تالقىلاۋعا بولادى, تۋريزم سالاسى بويىنشا دا ەرٸپتەستٸك ورناتۋعا مٷمكٸندٸك مول», – دەدٸ مادجيد سامادزادە سابەر.
