Cوت بيلٸگٸنٸڭ ٶكٸلٸ گولامحوسەين ەسمايلي وسى ۋاقىتقا دەيٸن ۋكراينا ۇشاعىنىڭ قۇلاۋىنا قاتىستى ۇستالعان 6 ايىپتالۋشىنىڭ ٷشەۋٸ كەپٸل سوما تٶلەپ قاماۋدان شىققانىن, تاعى ٷشەۋٸ قاماۋدا ەكەنٸن مەلٸمدەدٸ, - دەپ حابارلايدفى يرنا اگەنتتٸگٸ.
«سوت بيلٸگٸ, اتاپ ايتقاندا, قارۋلى كٷشتەردٸڭ سوت ۇيىمى ۋكراينا ۇشاعىنىڭ قۇلاۋىنا قاتىستى ٸسكە جاۋاپتى. وقيعا ورىن العان سوڭ بٸردەن بۇيرىقتار شىعارىلىپ, قارۋلى كٷشتەر سوت ۇيىمىنىڭ ارنايى تارماعى تاعايىندالدى», - دەدٸ ول.
سەرسەنبٸ, 8 قاڭتار كٷنٸ, تەگەران استىندا ۋكراينا ەۋە كومپانيياسىنىڭ Boeing 737 ۇشاعى اپاتقا ۇشىرادى. ەۋە كەمەسٸندە 176 جولاۋشى مەن ەكيپاجدىڭ توعىز مٷشەسٸ بولعان.
تىڭشىعا ٶلٸم جازاسىن تاعايىنداۋ مەسەلەسٸنە قاتىستى سۇراققا سوت بيلٸگٸنٸڭ ٶكٸلٸ: «ماحمۇد مۋساۆي مادجد موسسادپەن بايلانىستا بولىپ, سونداي-اق ورتالىق بارلاۋ باسقارماسىنا ەسٸرەسە قارۋلى كٷشتەردەگٸ قاۋٸپسٸزدٸك مەسەلەلەرٸ جايىندا اقپارات بەرٸپ وتىرعان», - دەپ مەلٸمدەدٸ.
«ول شەتەلدٸكتەرگە گەنەرال كاسسەم سۋلەيمانيدٸڭ جٷرگەن جەرٸ تۋرالى اقپارات بەرگەن, سوت شەشٸمٸمەن ٶلٸم جازاسىنا كەسٸلدٸ. جاقىندا جوعارعى سوتتىڭ ەكٸنشٸ بٶلٸمٸ ٶلٸم جازاسىنا كەسۋ ٷكٸمٸن ماقۇلدادى. ٷكٸم الداعى ۋاقىتتا ورىندالادى», - دەپ اتاپ ٶتتٸ ول.
ەسكە سالا كەتەيٸك, بيىلعى 8 قاڭتاردا تەگەران ۋاقىتىمەن 6:00-دە يمام حومەيني اتىنداعى ەۋەجايدان تەگەران-كيەۆ باعىتىمەن ۇشىپ شىققان «ۋكراينا حالىقارالىق ەۋە جەلٸلەرٸ» ەۋە كومپانيياسىنىڭ Boeing-737 ۇشاعى اپاتقا ۇشىرادى.
ۇشاق بورتىندا 177 ادام بولعان: 168 جولاۋشى مەن 9 ەكيپاج مٷشەسٸ. ونىڭ ٸشٸندە يراننىڭ – 82, كانادانىڭ - 63, ۋكراينانىڭ - 2 + 9 (ەكيپاج), شۆەتسييانىڭ – 10, اۋعانستاننىڭ – 4, گفر-دىڭ – 3, ۇلىبريتانييانىڭ 3 ازاماتى بولدى. ولاردىڭ بارلىعى قازا تاپتى.
ۇشاق اپاتىنا بايلانىستى جاۋاپكەرشٸلٸكتٸ يراننىڭ ەسكەري-ساياسي قۇرىلىمى - «يسلام رەۆوليۋتسييالىق ۇلاندار كورپۋسى» ٶز موينىنا الدى.
