Cot biliginiń ókili Golamhosein Esmaili osy ýaqytqa deiin Ýkraina ushaǵynyń qulaýyna qatysty ustalǵan 6 aiyptalýshynyń úsheýi kepil soma tólep qamaýdan shyqqanyn, taǵy úsheýi qamaýda ekenin málimdedi, - dep habarlaidfy IRNA agenttigi.
«Sot biligi, atap aitqanda, qarýly kúshterdiń sot uiymy Ýkraina ushaǵynyń qulaýyna qatysty iske jaýapty. Oqiǵa oryn alǵan soń birden buiryqtar shyǵarylyp, Qarýly kúshter Sot uiymynyń arnaiy tarmaǵy taǵaiyndaldy», - dedi ol.
Sársenbi, 8 qańtar kúni, Tegeran astynda Ýkraina áýe kompaniiasynyń Boeing 737 ushaǵy apatqa ushyrady. Áýe kemesinde 176 jolaýshy men ekipajdyń toǵyz múshesi bolǵan.
Tyńshyǵa ólim jazasyn taǵaiyndaý máselesine qatysty suraqqa sot biliginiń ókili: «Mahmud Mýsavi Madjd Mossadpen bailanysta bolyp, sondai-aq Ortalyq barlaý basqarmasyna ásirese qarýly kúshterdegi qaýipsizdik máseleleri jaiynda aqparat berip otyrǵan», - dep málimdedi.
«Ol sheteldikterge general Kassem Sýleimanidiń júrgen jeri týraly aqparat bergen, sot sheshimimen ólim jazasyna kesildi. Jaqynda Joǵarǵy sottyń ekinshi bólimi ólim jazasyna kesý úkimin maquldady. Úkim aldaǵy ýaqytta oryndalady», - dep atap ótti ol.
Eske sala keteiik, biylǵy 8 qańtarda Tegeran ýaqytymen 6:00-de Imam Homeini atyndaǵy áýejaidan Tegeran-Kiev baǵytymen ushyp shyqqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyrady.
Ushaq bortynda 177 adam bolǵan: 168 jolaýshy men 9 ekipaj múshesi. Onyń ishinde Irannyń – 82, Kanadanyń - 63, Ýkrainanyń - 2 + 9 (ekipaj), Shvetsiianyń – 10, Aýǵanstannyń – 4, GFR-dyń – 3, Ulybritaniianyń 3 azamaty boldy. Olardyń barlyǵy qaza tapty.
Ushaq apatyna bailanysty jaýapkershilikti Irannyń áskeri-saiasi qurylymy - «Islam revoliýtsiialyq ulandar korpýsy» óz moinyna aldy.
