اقش پەن ولاردىڭ وداقتاستارىنىڭ كٷشٸ شوعىرلانعان يراكتاعى ەكٸ ەسكەري بازاعا يران راكەتالىق شابۋىل جاسادى, – دەپ حابارلايدى "ۇلت اقپارات".
اقش قورعانىس مينيسترٸنٸڭ قوعاممەن بايلانىس بويىنشا كٶمەكشٸسٸ دجوناتان حوففمان مەلٸمدەمەسٸندە 7 قاڭتار كٷنٸ كەشكٸ 17:30 شاماسىندا يران ەسكەريلەرٸ يراك اۋماعىندا ورنالاسقان اقش-تىڭ ەسكەري وبەكتٸلەرٸ مەن ەسكەري كواليتسييالارىنا 12-دەن استام بالليستيكالىق راكەتا جٸبەرگەن. يران راكەتالاردى ەل اسساد جەنە يربيد ەكٸ ەسكەري بازاسىنا باعىتتاعانى انىق. پەنتاگون ٶكٸلٸ قازٸرگٸ ۋاقىتتا كەلتٸرٸلگەن شىعىن كٶلەمٸ ەسەپتەلٸپ جاتقانىن ايتتى.
«سوڭعى كٷندەرٸ يراننان تٶنگەن قاۋٸپ-قاتەرگە جاۋاپ رەتٸندە اقش قورعانىس مينيسترلٸگٸ قىزمەتكەرلەرٸ مەن سەرٸكتەستەرٸن قورعاۋدىڭ بارلىق امالدارىن جاساپ جاتىر. يران رەجيمٸ بٸزدٸڭ كٷشتەرٸمٸزگە شابۋىل جاساپ, ايماقتاعى مٷددەمٸزگە قارسى ەرەكەتتەردٸ جوسپارلاعاندىقتان, بۇل ەكٸ بازا جوعارى دايىندىقتا بولدى. جاعدايدى باعالاي وتىرىپ, بٸز ايماقتاعى اقش قىزمەتكەرلەرٸن, سەرٸكتەستەر مەن وداقتاستاردى قورعاۋ ٷشٸن بارلىق شارالاردى قولدانامىز. ٶزگەرٸستەر بولسا, حاباردار ەتٸپ وتىرامىز», - دەپ اتاپ ٶتتٸ دجوناتان حوففمان.
اق ٷيدٸڭ باسپاسٶز حاتشىسى ستەفاني گريشەم Twitter-دەگٸ پاراقشاسىنا اقش پرەزيدەنتٸ دونالد ترامپ پەن ونىڭ كەڭەسشٸلەرٸ جاعدايدى مۇقييات باقىلاپ وتىرعانىن مەلٸمدەدٸ.
«يراكتاعى اقش بازاسىنا شابۋىل جاسالعانى بٸزگە مەلٸم. پرەزيدەنتكە اقپارات بەردٸك. ول جاعدايدى باقىلاۋدا ۇستاپ, ٶزٸنٸڭ ۇلتتىق قاۋٸپسٸزدٸك توبىمەن اقىلداسىپ جاتىر», - دەپ مەلٸمدەدٸ اقش پرەزيدەنتٸنٸڭ باسپاسٶز حاتشىسى ستەفاني گريشەم.
امەريكالىق باسىلىمداردىڭ جازۋىنشا, اقش-تىڭ بارلاۋ قىزمەتٸ امەريكانىڭ يراك نەمەسە ٶزگە ەلدەردەگٸ نىساندارىنا شابۋىل جاسالاتىنىن الدىن الا ەسكەرتكەن. ٶكٸلدەر پالاتاسىنىڭ سپيكەرٸ نەنسي پەلوسي Twitter-دە "بٸز ەسكەري قىزمەتكەرلەردٸڭ قاۋٸپسٸزدٸگٸن قامتاماسىز ەتٸپ, ترامپ ەكٸمشٸلٸگٸ تارابىنان قاجەتسٸز ارانداتۋ ەرەكەتتەردٸ دە تىيۋىمىز كەرەك, يراننان كٷش قولدانۋدى توقتاتۋىن تالاپ ەتۋٸمٸز قاجەت" دەپ جازدى.
ەسكەري بازالارعا شابۋىل جاسالعانى تۋرالى حابار پايدا بولعاننان كەيٸن Brent ماركالى مۇناي باعاسى تٶرت پايىزعا قىمباتتادى, امەريكا نارىعىندا مۇناي باعاسى ٷش پايىزعا قىمباتتادى.
اق ٷيگە قورعانىس مينيسترٸ مارك ەسپەر مەن اقش مەملەكەتتٸك حاتشىسى مايك پومپەو كەلدٸ. BBC يراندىق باسىلىمدارعا سٸلتەمە جاساي وتىرىپ, يسلام رەۆوليۋتسيياسىنىڭ كٷزەت كورپۋسى امەريكالىق بازالارعا سٷلەيماني گەنەرالدىڭ ٶلٸمٸنە بايلانىستى كەك الۋ ٷشٸن وق جاۋدىردى دەپ مەلٸمدەدٸ. امەريكالىق بازالارعا 30-دان اسا زىمىران ۇشىرىلعان. قۇربان بولعان ادامدار تۋرالى مەلٸمەت ەزٸرگە بەلگٸسٸز. يران تەلەارناسى ەل-اسادتاعى بازانى زىمىرانمەن اتقىلاۋ سەتٸنەن كادرلار كٶرسەتتٸ.
بۇعان دەيٸن حابارلانعانداي, CNN تەلەارناسىنا بەرگەن ەكسكليۋزيۆتٸ سۇحباتىندا يسلام رەۆوليۋتسيياسى جوعارعى كٶشباسشىسىنىڭ ەسكەري كەڭەسشٸسٸ حامەنەي حوسسەين دەحگان «كۋدس» يسلام رەۆوليۋتسيياسى كٷزەت كورپۋسىنىڭ ارنايى جاساق باسشىسى, گەنەرال كاسەم سٷلەيمانيدٸڭ ٶلٸمٸنە بايلانىستى ەسكەريلەر مەن ەسكەري وبەكتٸلەرگە قارسى قيمىلدار بولۋى مٷمكٸن ەكەنٸن مەلٸمدەگەن.
