يران گەنەرالى كاسەم سٷلەيمانيدىڭ قازاسىنان كەيٸن تاياۋ شىعىستاعى جاعداي شيەلەنٸسكەن تۇستا مۇناي مەن التىن باعاسى قىمباتتادى, دەپ حابارلايدى Bloomberg اگەنتتٸگٸ.
التىن باعاسى سوڭعى التى جىلداعى ەڭ جوعارعى كٶرسەتكٸشكە جەتتٸ. ونىڭ بٸر ۋنتسيياسى 1576,85 دوللاردان ساتىلدى. Brent ماركالى مۇنايدىڭ بٸر بارەللٸ 70 دوللار بولدى. اقش-تىڭ ونجىلدىق وبليگاتسييالارىنىڭ كٸرٸس كٶرسەتكٸشٸ بٸر بازيستٸك پۋنكتەن اسا - 1,77 پايىزعا دەيٸن تٶمەندەگەن. بۇل ينۆەستورلاردىڭ وسى قۇندى قاعازدارعا سۇرانىسى ارتقانىن بايقاتادى.
ايتا كەتەيٸك, يراننىڭ يسلام ساقشىلارى كورپۋسىنىڭ ارنايى ەليتالىق بٶلٸمٸ – "قۇدس كٷشتەرٸنٸڭ" قولباسشىسى گەنەرال كاسەم سٷلەيماني 3 قاڭتار, جۇما كٷنٸ تاڭەرتەڭ باعدات ەۋەجايىنا ۇشىپ كەلگەننەن كەيٸن اقش-تىڭ ەۋە شابۋىلىنان قازا تاپقان. بۇل وپەراتسييا تۋرالى بۇيرىقتى اقش پرەزيدەنتٸ دونالد ترامپ بەرگەن. پەنتاگون ٶكٸلدەرٸ يران گەنەرالى يراكتاعى اقش ديپلوماتتارى مەن ەسكەرٸنە قارسى شابۋىلدار جوسپارىن ەزٸرلەۋمەن اينالىسقان دەپ مەلٸمدەدٸ.
جوعارى شەندٸ ەسكەري شەنەۋنٸكتٸ ٶلتٸرۋ تاياۋ شىعىستاعى جاعدايدى شيەلەنٸستٸرٸپ جٸبەردٸ. يراك پارلامەنتٸ ەل اۋماعىنان بارلىق شەتەلدٸك ەسكەردٸ شىعارۋدى تالاپ ەتتٸ. يران ەسكەري يادرولىق باعدارلاماسىن قايتا قولعا الاتىنىن مەلٸمدەدٸ. يران پرەزيدەنتٸ حاسان روۋحاني بۇل شابۋىلدى "تەررورلىق اكت" دەپ اتاپ, "امەريكا سازايىن تارتادى" دەپ ايتتى.
