يران بيلٸگٸ نارازىلىق اكتسييالارى بەسەڭسٸپ بارا جاتقانىن مەلٸمدەپ جاتىر. بٸرنەشە قالادا يسلام رەۆوليۋتسيياسىن قورعاۋ كورپۋسىنىڭ كٷشتەرٸ ورنالاستىرىلعان. بٸرنەشە جەردە كٶشەگە شىققاندار مەن پوليتسييا ەلٸ دە قاقتىعىسىپ جاتىر. رەسمي حابارلاما بويىنشا, يراننىڭ باتىسىندا دەمونسترانتتارمەن قاقتىعىستا قاۋٸپسٸزدٸك قىزمەتٸنٸڭ ٷش ساربازى قازا تاپقان. ٷكٸمەتكە قارسى شەرۋلەر باستالعاننان بەرٸ دەمونسترانتتار اراسىنداعى ادام شىعىنى 20-دان اسىپ, جٷزدەگەن ادام تۇتقىندالعان.
يراندا جۇرتتىڭ دٸنباسىلار باقىلايتىن بيلٸككە قارسى شىعىپ جاتقانىنا بٸر اپتا بولدى. نارازىلىق يراندا قالىپتاسقان ەلەۋمەتتٸك, ەكونوميكالىق جاعدايعا قاتىستى تالاپپەن باستالىپ, ەل بيلٸگٸنە قارسى ۇراندارعا ۇلاستى. يران بيلٸگٸ نارازىلىق شەرۋلەرٸن سىرتقى كٷشتەر ۇيىمداستىردى دەپ بٸلەدٸ.
بۇۇ باس حاتشىسى انتونيۋ گۋتەرريش يرانداعى نارازىلىق اكتسييالارىندا كٷش قولدانۋدى توقتاتۋعا شاقىردى. بۇۇ-نىڭ ادام قۇقىقتارى جٶنٸندەگٸ جوعارعى كوميسسارى زەيد ەل-حۋسسەين يران بيلٸگٸن نارازىلىق تانىتىپ جاتقانداردىڭ قۇقىعىن بۇزباۋعا ٷندەدٸ.
اقش پرەزيدەنتٸ دونالد ترامپ سەرسەنبٸدە نارازىلىق اكتسيياسىنا قاتىسۋشىلاردى قولداپ سٶز سٶيلەدٸ. ترامپ اقش-تىڭ ولارعا «ۋاقىتى جەتكەندە» كٶمەك بەرەتٸنٸن مەلٸمدەدٸ. اقپارات اگەنتتٸگٸنٸڭ اقش پرەزيدەنتٸ ەكٸمشٸلٸگٸنٸڭ ٶكٸلدەرٸنە سٸلتەمە جاساپ حابارلاۋىنشا, اق ٷي نارازىلىق شەرۋلەرٸن باسىپ-جانشۋعا قاتىسى بار ادامدارعا قارسى سانكتسييا سالۋى مٷمكٸن.
فرانتسييا مەن گەرمانييا بولسا, يرانداعى وقيعالارعا قاتىستى ٶزگەشە ۇستانىم بٸلدٸردٸ. فرانتسييا پرەزيدەنتٸ ەممانۋەل ماكرون يران بيلٸگٸن ازاماتتاردىڭ بەيبٸت تٷردە قارسىلىق بٸلدٸرۋ قۇقىعىن ساقتاۋعا شاقىرا وتىرىپ, تەگەرانمەن ديالوگ ورناتۋدىڭ ماڭىزدى ەكەنٸن مەلٸمدەدٸ. ول سونىمەن قاتار اقش, يزرايل جەنە ساۋد ارابيياسىنىڭ يرانداعى وقيعالارعا قاتىستى ۇستانىمى مەن مەلٸمدەمەلەرٸن ايىپتادى.
