يپوتەكالىق قارىزى بار ازاماتتاردىڭ جالعىز باسپاناسىن تارتىپ الۋعا تىيىم سالىنۋى مٷمكٸن. بۇل نورما "قازاقستان رەسپۋبليكاسى ازاماتتارىنىڭ تٶلەمگە قابٸلەتتٸگٸن قالپىنا كەلتٸرۋ تۋرالى" زاڭ جوباسىندا قاراستىرىلعان, دەپ حابارلايدى Sputnik قازاقستان تٸلشٸسٸ.
قارجى مينيسترٸنٸڭ ورىنباسارى قانات باەدٸلوۆتىڭ ايتۋىنشا, زاڭ جوباسى قازاقستان ازاماتتارىنىڭ بەرەشەگٸ مەسەلەسٸن رەتتەۋدٸ كٶزدەيدٸ. ستاتيستيكا كٶرسەتٸپ وتىرعانداي, ەل تۇرعىندارىنىڭ نەگٸزگٸ كرەديتورلىق قارىزى بانك الدىنداعى بەرەشەك بولىپ وتىر. ورتاشا العاندا 1 ميلليونعا جۋىق ادامنىڭ ۋاقىتىندا تٶلەنبەگەن نەسيەسٸ نەمەسە سالىق بەرەشەگٸ بار.
"زاڭ جوباسىنا سەيكەس, تٶلەم قابٸلەتتٸگٸن قالپىنا كەلتٸرۋ پروتسەسٸن باستاۋ ٷشٸن بورىشكەر زاڭدا كٶرسەتٸلگەن تالاپتارعا ساي كەلۋٸ تيٸس. ەڭ الدىمەن, ادامنىڭ تٶلەم جاسايتىن جاعدايى بولماۋى كەرەك. ياعني, ازاماتتىڭ بەرەشەگٸ ونىڭ اكتيۆتەرٸنەن كٶپ بولۋى شارت جەنە ٷش ايدان استام ۋاقىت بويى مٸندەتٸن ورىنداماۋى تيٸس. ەگەر ونىڭ بانكتە قارىزى بولسا, نەسيەلەۋ شارتتارىن ٶزگەرتۋ تۋرالى ٶتٸنٸشپەن بانككە جٷگٸنۋگە مٸندەتتٸ", — دەدٸ ۆيتسە-مينيستر مەجٸلٸستە جەكە تۇلعالاردىڭ بانكروتتىق مەسەلەلەرٸ تاقىرىبىندا ٶتكەن وتىرىستا.
ازاماتتىڭ تٶلەم قابٸلەتتٸگٸن قالپىنا كەلتٸرۋ پروتسەسٸ جوسپار قۇرۋدان جەنە سوت شەشٸمٸ نەگٸزٸندە بورىشكەردٸڭ مٷلكٸن ٶتكٸزۋ رەسٸمٸنەن تۇرادى. كرەديتورمەن كەلٸسٸم جاسالا وتىرىپ, بەس جىلعا جوسپار جاسالادى. جوسپاردى قارجىلىق ەكٸمشٸ بورىشكەر مەن كرەديتوردىڭ پٸكٸرٸن ەسكەرە وتىرىپ, ٷش اي ٸشٸندە ەزٸرلەيدٸ. بۇل رەتتە, موينىندا بەرەشەگٸ بار ازاماتتىڭ تۇراقتى تابىسى بولۋى كەرەك. ٶز كەزەگٸندە كرەديتورلار قارىزدى تٶلەۋدٸڭ مەرزٸمٸن ۇزارتۋدى نەمەسە بٶلٸپ تٶلەۋدٸ, ارنايى ٶسٸمپۇلدار مەن ايىپپۇلدار, بەرەشەكتٸڭ بٸر بٶلٸگٸن كەشٸرۋ جەنە باسقا دا شارالار ۇسىنۋعا مٸندەتتٸ.
ال بورىشكەردٸڭ تۇراقتى تابىسى بولماعان نەمەسە جوسپاردىڭ تالاپتارى بويىنشا بورىشكەر مەن كرەديتور كەلٸسٸمگە كەلە الماعان جاعدايدا, نە بولماسا ازامات جوسپاردى ورىنداماعان كەزدە مٷلٸكتٸ ٶتكٸزۋ رەسٸمٸ قولدانىلادى.
"زاڭعا سەيكەس ٶندٸرٸپ الۋعا جاتپايتىن مٷلٸك ساتىلمايدى. سونىمەن قاتار, بورىشكەردٸڭ مٸندەتتەمەلەرٸن ورىنداۋدى قامتاماسىز ەتپەيتٸن جالعىز باسپاناسى, ەگەر ونىڭ تۇرعىن الاڭى ٷيدە تۇراتىن بٸر ادامعا ەسەپتەگەندە 18 شارشى مەتردەن اسپاسا, ساتۋعا جاتپايدى", — دەدٸ ول.
ونىڭ ايتۋىنشا, ساتىلۋدان تٷسكەن قاراجات كرەديتورلار اراسىندا ٷلەستٸرٸلەدٸ, ال قالعان قارىز سوت شەشٸمٸ بويىنشا ەسەپتەن شىعارىلادى. مۇنىڭ اليمەنت پەن ادامنىڭ ٶمٸرٸنە نەمەسە دەنساۋلىعىنا كەلتٸرٸلگەن زالالدى ٶتەۋگە قاتىستى بەرەشەككە قاتىسى جوق.
زاڭدى ەزٸرلەۋشٸلەر قارىزىنان قۇتىلۋدى ويلاعان بورىشكەرلەر جاپپاي ۋەكٸلەتتٸ ورگاننىڭ تابالدىرىعىن توزدىرماس ٷشٸن بەلگٸلٸ بٸر كەدەرگٸلەردٸ ويلاپ تاپقان.
"ٷش جىل بويى بانكتەردەن نەسيە الۋ, بٸرەۋگە كەپٸلدٸك ەتۋ, جەكە كەسٸپكەرلٸكپەن اينالىسىپ, شارۋا قوجالىعىن اشۋ, ەكٸمشٸ, مەدياتور, نوتاريۋس, باعالاۋشى, ادۆوكات, اۋديتور, سوت ورىنداۋشىسى بولىپ قىزمەت ەتۋ قۇقىعىنا شەكتەۋلەر قويىلادى", — دەپ اتاپ ٶتتٸ بايەدٸلوۆ.
بۇدان بٶلەك, قارىزىن قايتارۋدان جالتارۋ ٷشٸن جالعان ٶتٸنٸش بەرگەن ازاماتتار قىلمىستىق جاۋاپكەرشٸلٸككە تارتىلادى.
زاڭ جوباسىن قارجى مينيسترلٸگٸ 20 سەۋٸرگە دەيٸن ٷكٸمەتكە, ال پارلامەنت قاراۋىنا ماۋسىم ايىندا ۇسىنادى. قۇجات 2021 جىلدىڭ بٸرٸنشٸ قاڭتارىنان كٷشٸنە ەنەدٸ دەپ جوسپارلانىپ وتىر.
