حاشيميت كورولدٸگٸ COVID-19 ۆاكتسيناسىن الماعان ازاماتتاردىڭ جۇمىسىن زاڭ نەگٸزٸندە رەتتەيتٸن شارالار قابىلداۋدا, دەپ حابارلايدى "ۇلت اقپارات" يوردانييا ٷكٸمەتٸنە سٸلتەمە جاساپ.
مۇنداي قادام كوروناۆيرۋستىڭ ٷشٸنشٸ تولقىنى الدىندا جاسالعان ساقتىق شارالارى بولماق.
17 شٸلدەدە يوردانييانىڭ پرەمەر-مينيسترٸ بيشەر حاساۋنە №32 قورعانىس بۇيرىعىنا قول قويدى, ول ەلٸ COVID-19 ۆاكتسيناسىن الماعان ادامدار ٷشٸن جاعدايدى قاتاڭداتادى.
جاڭا ەرەجەلەرگە سەيكەس, ۆاكتسينانىڭ ەكٸ دوزاسىن الماعان مەملەكەتتٸك سەكتورداعى كەسٸپورىندار مەن مەكەمەلەردٸڭ قىزمەتكەرلەرٸ اپتاسىنا ەكٸ رەت – جەكسەنبٸ جەنە بەيسەنبٸ كٷندەرٸ باسشىلىققا 72 ساعات بۇرىن جاسالعان پتر تەستٸنٸڭ تەرٸس نەتيجەسٸن تاپسىرۋلارى تيٸس.
ەستەرٸڭٸزگە سالا كەتەيٸك, بٸرقاتار اراب ەلدەرٸندە اپتانىڭ بٸرٸنشٸ جۇمىس كٷنٸ – جەكسەنبٸ, ال سوڭعىسى – بەيسەنبٸگە كەلەدٸ.
بۇيرىقتا كٶرسەتٸلگەندەي, وسى تالاپتاردى ساقتاماعانى ٷشٸن 100-دەن 500-گە دەيٸن يوردان دينارى (60 200-دەن 301 100 تەڭگە ارالىعىندا) مٶلشەرٸندە ايىپپۇل سالىنادى. ەنگٸزٸلگەن ەرەجەلەر 5 تامىزدان باستاپ كٷشٸنە ەنەدٸ, ال 15 تامىزدان باستاپ ەكٸمشٸلٸك قىزمەتكەرلەر مەن بٸلٸم بەرۋ مەكەمەلەرٸنٸڭ وقىتۋشىلارىنا, سونداي-اق جوو ستۋدەنتتەرٸنە قاتىستى وسىنداي تالاپتار ەنگٸزٸلمەك.
بۇيرىققا سەيكەس, پتر-تەستٸلەۋدٸ يوردانييانىڭ دەنساۋلىق ساقتاۋ مينيسترلٸگٸنٸڭ ارنايى ورتالىقتارىندا تەگٸن الۋعا بولادى.
