Hashimit koroldigi COVID-19 vaktsinasyn almaǵan azamattardyń jumysyn zań negizinde retteitin sharalar qabyldaýda, dep habarlaidy "Ult aqparat" Iordaniia úkimetine silteme jasap.
Mundai qadam koronavirýstyń úshinshi tolqyny aldynda jasalǵan saqtyq sharalary bolmaq.
17 shildede Iordaniianyń Premer-ministri Bisher Hasaýne №32 qorǵanys buiryǵyna qol qoidy, ol áli COVID-19 vaktsinasyn almaǵan adamdar úshin jaǵdaidy qatańdatady.
Jańa erejelerge sáikes, vaktsinanyń eki dozasyn almaǵan memlekettik sektordaǵy kásiporyndar men mekemelerdiń qyzmetkerleri aptasyna eki ret – jeksenbi jáne beisenbi kúnderi basshylyqqa 72 saǵat buryn jasalǵan PTR testiniń teris nátijesin tapsyrýlary tiis.
Esterińizge sala keteiik, birqatar arab elderinde aptanyń birinshi jumys kúni – jeksenbi, al sońǵysy – beisenbige keledi.
Buiryqta kórsetilgendei, osy talaptardy saqtamaǵany úshin 100-den 500-ge deiin iordan dinary (60 200-den 301 100 teńge aralyǵynda) mólsherinde aiyppul salynady. Engizilgen erejeler 5 tamyzdan bastap kúshine enedi, al 15 tamyzdan bastap ákimshilik qyzmetkerler men bilim berý mekemeleriniń oqytýshylaryna, sondai-aq JOO stýdentterine qatysty osyndai talaptar engizilmek.
Buiryqqa sáikes, PTR-testileýdi Iordaniianyń Densaýlyq saqtaý ministrliginiń arnaiy ortalyqtarynda tegin alýǵa bolady.
