يوردانييادا پرەمەر-مينيستر بيشەر ەل-حاساۋنا باسقاراتىن ٷكٸمەتتٸڭ جاڭا قۇرامى بەكٸتٸلدٸ, دەپ حابارلايدى "ۇلت اقپارات" PETRA اگەنتتٸگٸنە سٸلتەمە جاساپ.
دٷيسەنبٸ كٷنٸ كورولدٸڭ بۇيرىعىمەن باشير ەل حاساۋنا پرەمەر-مينيستر مەن قورعانىس مينيسترٸ قىزمەتٸنە تاعايىندالدى. جاڭارتىلعان مينيسترلەر كابينەتٸ ەل حۋسەينييا سارايىندا كورول ٸٸ ابداللانىڭ الدىندا انت بەردٸ.
ال كوروناۆيرۋسقا شالدىققان جاڭا ٷكٸمەتتٸڭ مٷشەسٸ – ماحمۋت حارابشەح كارانتيننەن كەيٸن انت بەرەدٸ.
سالتاناتتى شاراعا كورولدٸڭ ۇلى – مۇراگەر حانزادا حۋسەين جەنە حاشيميت كورولدٸگٸ سوتىنىڭ تٶراعاسى يۋسەف يسساۆي قاتىستى.
پرەمەر-مينيستر ەكونوميكالىق تۇراقتىلىقتى ارتتىرۋ, كەدەيلٸك پەن جۇمىسسىزدىقپەن كٷرەسۋدٸڭ ماڭىزدىلىعىن اتاپ ٶتتٸ. سونداي-اق قىزمەت كٶرسەتۋ, دەنساۋلىق ساقتاۋ سالالارىن جاقسارتىپ, پاندەمييانىڭ تۋريستٸك سالاعا تيگٸزگەن زاردابىن جەڭٸلدەتۋگە ۋەدە بەردٸ.
ەسكە سالا كەتسەك, ايدىڭ باسىندا كورول ابداللا II بۇرىنعى پرەمەر-مينيستر ومار راززازدى قىزمەتٸنەن بوساتىپ, 27 قىركٷيەك كٷنٸ پالاتانى تاراتتى. سونداي-اق ٷكٸمەتكە جالپىعا ورتاق سايلاۋ ۇيىمداستىرۋدى تاپسىردى. ول 10 قاراشادا ٶتەدٸ دەپ جوسپارلانعان.
