فوتو: باس پروكۋراتۋرا
ينتەرپول اكتيۆتەردٸ ٸزدەۋ جەنە قايتارۋ بويىنشا جاڭا قۇرالدى ەنگٸزۋ اياسىندا قازاقستان رەسپۋبليكاسىنىڭ العاشقى «كٷمٸس حابارلاماسىن» شىعاردى. بۇل قۇجات اكتيۆتەردٸ قايتارۋ تۋرالى زاڭعا قاتىسى بار تۇلعالاردىڭ مٷلكٸنە قاتىستى اقپارات الۋعا مٷمكٸندٸك بەرەدٸ, دەپ حابارلايدى Ult.kz.
ەستەرٸڭٸزگە سالا كەتەيٸك, ٶتكەن جىلى قازاقستان اكتيۆتەردٸ قايتارۋ جٶنٸندەگٸ كوميتەت اتىنان وسى پيلوتتىق جوباعا قوسىلىپ, ينتەرپولدىڭ جۇمىس توبىنىڭ قۇرامىنا كٸرگەن بولاتىن.
جوباعا ۇلىبريتانييا, اقش, فرانتسييا, قىتاي, باە جەنە تاعى باسقا 50-دەن استام ەل قاتىسادى. جالپى, بۇل تەتٸك ينتەرپولدىڭ قۇرامىنداعى 196 مەملەكەتتٸڭ اراسىندا زاڭسىز يەمدەنٸلگەن اكتيۆتەر جٶنٸندە اقپارات الماسۋعا جول اشادى.
«كٷمٸس حابارلامانىڭ» كٶمەگٸمەن زاڭسىز الىنعان جىلجىمايتىن مٷلٸك, كٶلٸك, قارجى قاراجاتتارى مەن باسقا دا اكتيۆتەردٸ قاداعالاۋ جەنە سەيكەستەندٸرۋ جەڭٸلدەيدٸ. بۇعان دەيٸن ينتەرپول نەگٸزٸنەن حالىقارالىق ٸزدەۋدەگٸ ادامدار تۋرالى اقپاراتپەن جۇمىس ٸستەسە, ەندٸ زاڭسىز اكتيۆتەرگە دە ەرەكشە نازار اۋدارىلماق.
كوميتەت مەلٸمەتٸنشە, مۇنداي قادام قازاقستاننىڭ سىرتقى الاڭداعى مٷمكٸندٸكتەرٸن كەڭەيتٸپ, اكتيۆتەردٸ قايتارۋ تەتٸكتەرٸن جەتٸلدٸرۋگە ىقپال ەتەدٸ.
