Foto: Bas prokýratýra
Interpol aktivterdi izdeý jáne qaitarý boiynsha jańa quraldy engizý aiasynda Qazaqstan Respýblikasynyń alǵashqy «Kúmis habarlamasyn» shyǵardy. Bul qujat aktivterdi qaitarý týraly zańǵa qatysy bar tulǵalardyń múlkine qatysty aqparat alýǵa múmkindik beredi, dep habarlaidy Ult.kz.
Esterińizge sala keteiik, ótken jyly Qazaqstan Aktivterdi qaitarý jónindegi komitet atynan osy pilottyq jobaǵa qosylyp, Interpoldyń jumys tobynyń quramyna kirgen bolatyn.
Jobaǵa Ulybritaniia, AQSh, Frantsiia, Qytai, BAÁ jáne taǵy basqa 50-den astam el qatysady. Jalpy, bul tetik Interpoldyń quramyndaǵy 196 memlekettiń arasynda zańsyz iemdenilgen aktivter jóninde aqparat almasýǵa jol ashady.
«Kúmis habarlamanyń» kómegimen zańsyz alynǵan jyljymaityn múlik, kólik, qarjy qarajattary men basqa da aktivterdi qadaǵalaý jáne sáikestendirý jeńildeidi. Buǵan deiin Interpol negizinen halyqaralyq izdeýdegi adamdar týraly aqparatpen jumys istese, endi zańsyz aktivterge de erekshe nazar aýdarylmaq.
Komitet málimetinshe, mundai qadam Qazaqstannyń syrtqy alańdaǵy múmkindikterin keńeitip, aktivterdi qaitarý tetikterin jetildirýge yqpal etedi.
