فوتو: Polisia.kz
ينتەرنەت الاياقتار قۋلىقتىڭ جاڭا تٷرٸنە كٶشكەن. وسىعان بايلانىستى پوليتسييا حالىققا ەسكەرتۋ جاسادى, دەپ حابارلايدى «ۇلت اقپارات» پوليتسيياعا سٸلتەمە جاساپ.
كەيٸنگٸ ۋاقىتتا الاياقتار ٶزدەرٸن مەديتسينا ماماندارى رەتٸندە تانىستىرىپ, WhatsApp-قا قوڭىراۋ شالىپ نەمەسە حابارلاما جازىپ جاتىر. ولار ادامدارعا ديسپانسەرلەۋ, فليۋوروگرافييادان ٶتۋدٸ ۇسىنادى. ىڭعايلى كٷندٸ تاڭداپ, تٸركەلۋ ٷشٸن SMS-ارقىلى كەلگەن سانداردى ايتۋدى سۇرايدى دا دەربەس دەرەكتەرگە قول جەتكٸزەدٸ.
ەشقانداي جاعدايدا كودتى ايتپاڭىز! الاياقتار سٸزدٸڭ جەكە كابينەتتەرٸڭٸزگە قاشىقتان كٸرٸپ, دەربەس دەرەكتەردٸ يەمدەنۋ ارقىلى نەسيە رەسٸمدەي الادى. بۇلار بۇرىن بانكتٸڭ قاۋٸپسٸزدٸك قىزمەتكەرلەرٸ نەمەسە پوليتسييا قىزمەتكەرلەرٸ بولىپ حابارلاسقان الاياقتار. وسى تۋرالى جاقىندارىڭىزعا, ەسٸرەسە, ەگدە جاستاعى ادامدارعا ايتىڭىز, – دەپ جازىلعان حابارلامادا.
