كەشە سەمەيدە ٶتكەن جيىندا ونوماستيكا كوميسسييا مٷشەلەرٸ مەن ماسليحات دەپۋتاتتارىنىڭ ماقۇلداۋىمەن قالا ورتالىعىنداعى ينتەرناتسيونال كٶشەسٸ ابايتانۋشى, شەھكەرٸمتانۋشى, الاشوردا ازاماتتارىنىڭ ٶمٸرٸ مەن شىعارمالارىن تەرەڭ زەرتتەپ, قازاق ەدەبيەتٸ مەن تاريحىنىڭ ساقتالۋىنا, ونىڭ دامۋىنا ٶلشەۋسٸز ٷلەس قوسقان عالىم-ۇستاز قايىم مۇحامەدحان سەيٸتقۇلۇلىنىڭ اتىنا بەرٸلدٸ.
وسىدان بٸراز ۋاقىت بۇرىن بۇل باستامانى دينا قايىمقىزى كٶتەرٸپ, وعان بٸرقاتار قوعام قايراتكەرلەرٸ مەن عالىمدار, جۋرناليستەر ٷلەس قوسقان بولاتىن. اعىمداعى جىلدىڭ باسىندا شقو ەكٸمدٸگٸنٸڭ باسپاسٶز حاتشىسى ەرلان جاقىپوۆ اتالمىش مەسەلەنٸ وبلىس باسشىسى دانيال احمەتوۆ ٶز باقىلاۋىندا ۇستاپ وتىرعانىن, جىل سوڭىنا دەيٸن تيٸستٸ شارالار اتقارىلاتىنىن مەلٸمدەگەن ەدٸ.
بيىل ەل تەۋەلسٸزدٸگٸنٸڭ 25 جىلدىعى ەرٸ عالىمنىڭ تۋعانىنا 100 جىل تولۋىنا وراي بۇل جاڭارۋ سەمەيلٸكتەر ٷشٸن عانا ەمەس, جالپى قازاق حالقى ٷشٸن تاماشا سىي بولىپ وتىر.
ايتا كەتەيٸك, بٷگٸنگٸ تاڭدا قايىم مۇحامەدحاننىڭ اتىنا ٶسكەمەن قالاسىنان دا كٶشە اتاۋىن بەرۋ مەسەلەسٸ قارالىپ جاتىر.
ازامات بيتان,
ۇلت پورتالى
