دەپۋتات امانجان جامالوۆ سوڭعى جىلدارى قازاقستان يننوۆاتسييالىق تەحنولوگييالارعا قىرۋار قارجىنىڭ رەتسٸز جۇمسالىپ جاتقانىن ايتتى, دەپ حابارلايدى قازاقپارات تٸلشٸسٸ.
مەجٸلٸس دەپۋتاتى اتالعان سۇراق بويىنشا قر پرەمەر-مينيسترٸنە دەپۋتاتتىق ساۋال جولدادى.
«مەملەكەت باسشىسى ٶزٸنٸڭ سوڭعى جولداۋىندا جاڭا تەحنولوگييالاردىڭ ەنگٸزٸلۋٸنە ەرەكشە مەن بەردٸ. ەسكە سالايىن, 2013 جىلى قر يننوۆاتسييالىق دامۋىنىڭ 2020 جىلعا دەيٸنگٸ تۇجىرىمداماسى بەكٸتٸلگەن بولاتىن. مەملەكەتتٸك باعدارلامانىڭ ەكٸنشٸ بەسجىلدىعىنا قاراي, شىنىندا دا يننوۆاتسييالىق دامۋعا قول جەتكٸزەمٸز دەگەن بولجام بار ەدٸ. ٶكٸنٸشە قاراي, ولاي بولمادى. اۋقىمدى بيۋدجەتتٸك شىعىننىڭ ەسەبٸنەن جاسالعان يننوۆاتسييالىق قۇرىلىم ٶزٸن-ٶزٸ اقتامادى», - دەيدٸ دەپۋتات ساۋالىندا.
ونىڭ ايتۋىنشا, «يننوۆاتسييالىق تەحنولوگييالار پاركٸ» ارنايى ەكونوميكالىق اۋماعىندا 2020 جىلعا دەيٸن 250-350 ملن اقش دوللارلىق شەتەلدٸك ينۆەستيتسييا تارتۋ مٸندەتٸ جٷكتەلگەن.
«وسى تاپسىرمانىڭ اياقسىز قالعانىنا كٸمنٸڭ جاۋاپتى ەكەنٸ تٷسٸنٸكسٸز. اەا يتپ-نٸڭ قۇرىلىمىنا عانا بيۋدجەتتٸڭ 20 ملرد تەڭگەسٸ كەتتٸ. بٸزدەگٸ پاركتٸ بٸردەي قاعيدات بويىنشا جۇمىس جٷرگٸزەتٸن بەلارۋستاعى جوعارى تەحنولوگييالاردىڭ پاركٸمەن سالىستىرىڭىز. ول ەلدەگٸ پارك قازٸرگٸ تاڭدا باعدارلامالىق ٶنٸمدەر مەن ٸت-قىزمەتتەرٸنٸڭ جاھاندىق ەكسپورتەرٸنە اينالىپ ٷلگەردٸ. 2017 جىلى اتالعان پاركتٸڭ ەكسپورتى (192 كومپانييا) 1 ملرد دوللار كٸرٸس ەكەلگەن. 100 ملن اقش دوللارىنا جۋىق تٸكەلەي شەتەل ينۆەستيتسيياسى تارتىلعان. قازاقستان تٸپتٸ مۇنداي كٶرسەتكٸشكە جاقىنداعان دا جوق», - دەيدٸ دەپۋتات.
مەجٸلٸسمەن سونداي-اق, 2011 جىلى قۇرىلعان تدجۇا (تەحنولوگييالىق دامۋ جٶنٸندەگٸ ۇلتتىق اگەنتتٸك» اق) 11,5 ميلليارد تەڭگەگە 316 يننوۆاتسييالىق گرانت بٶلگەنٸن جەتكٸزدٸ.
«نەتيجە بايقالمايدى. وسىعان قاراماستان, 2017 جىلى «تدجۇا» اق-قا 3,7 ملرد تەڭگە بٶلٸندٸ. 2018 جىلى تاعى 0,8 ملرد تەڭگە بٶلۋ قاراستىرىلعان. جاڭا يننوۆاتسييالىق ورتالىق اشۋعا بٸزدٸڭ ەكٸنشٸ مٷمكٸندٸگٸمٸز جوق. سوندىقتان, تەجٸريبەدەگٸ سەتسٸزدٸكتەردٸ ەسەپكە الا وتىرىپ, ٷزدٸك ەلەمدٸك تەجٸريبەلەردٸ ەسكەرۋ كەرەك. بٸرٸنشٸدەن, ٸت-ساكتورى ٷشٸن جەڭٸلدٸكتەردٸ كەڭەيتٸپ, ەكٸنشٸدەن, جاڭا يننوۆاتسييالىق ورتالىق اشۋ كەزٸندە ماقساتتى تيٸمدٸلٸك كٶرسەتكٸشتەرٸن ەزٸرلەپ شىعۋ كەرەك», - دەيدٸ ول.
