بٷگٸن ٷكٸمەتتٸڭ سەلەكتورلىق رەجيمدەگٸ وتىرىسىندا قر پرەمەر-مينيسترٸ باقىتجان ساعىنتاەۆ اتىراۋ وبلىسىنداعى ينفلياتسييانى تەجەۋ جۇمىستارىنا كٶڭٸلٸ تولمايتىندىعىن اشىق ايتتى, دەپ حابارلايدى قازاقپارات.
«2017-2018 جىلداردىڭ ساقتاندىرۋ قورلارىنان ٶڭٸرلٸك تۇراقتاندىرۋ قورىنا بيىلعى جىلى 1255 توننا كارتوپ جەنە كٶكٶنٸس ٶنٸمدەرٸن ساتىپ الۋعا شەشٸم قابىلدانىپ, اعىمداعى جىلدىڭ قازان ايىندا تاسىمالداۋ جوسپارلانىپ وتىر. قازٸرگٸ تاڭدا تۇراقتاندىرۋ قورىندا 575500 دانا جۇمىرتقا ٶنٸمدەرٸ ساقتالۋدا. مەموراندۋم نەگٸزٸندە ەلەۋمەتتٸك ماڭىزى بار ازىق-تٷلٸك تاۋارلارىنا تۇتىنۋ باعالارى يندەكستٸك دەڭگەيدە قازان ايىندا 109 پايىز بولادى دەپ بولجانۋدا», - دەگەن ەدٸ اتىراۋ وبلىسى ەكٸمٸنٸڭ ورىنباسارى ەلٸبەك ناۋتيەۆ.
«بايانداماڭىز جاقسى. بٸراق ينفلياتسييالىق ەڭ جوعارى 6 پايىزدىق كٶرسەتكٸش اتىراۋ وبلىسىندا. سەبەبٸن نەگە ايتپادىڭىز? رەسپۋبليكا بويىنشا ەڭ جوعارى كٶرسەتكٸشتٸڭ سەبەبٸ نەدە?», - دەپ سۇرادى ٷكٸمەت باسشىسى اتىراۋ وبلىسى ەكٸمٸنٸڭ ورىنباسارىنان. ٶز كەزەگٸندە ەلٸبەك ناۋتيەۆ اتىراۋ وبلىسىنداعى ينفلياتسييالىق كٶرسەتكٸشتٸڭ جوعارى بولۋىنا دوللار قۇنىنىڭ ارتۋىنا بايلانىستى دەپ اقتالۋعا تىرىستى. «دوللار بٷكٸل قازاقستان بويىنشا بٸردەي عوي. جاقسى جۇمىس جوق دەگەن سٶز», - دەپ تٷيٸندەدٸ سٶزٸن باقىتجان ساعىنتاەۆ.
ايتا كەتەيٸك, وتىرىستا ۇلتتىق ەكونوميكا مينيسترٸ تيمۋر سٷلەيمەنوۆ جىلدىڭ باسىنان بەرٸ ٶڭٸرلەردٸڭ كٶبٸندە ينفلياتسييا سالىستىرمالى تٶمەن دەڭگەيدە تٸركەلگەنٸن ايتقان بولاتىن «5 ٶڭٸردە ينفلياتسييا ورتاشا رەسپۋبليكالىق دەڭگەيدەن جوعارى قالىپتاستى. ولار: اتىراۋ, سولتٷستٸك قازاقستان, پاۆلودار, وڭتٷستٸك قازاقستان وبلىستارى جەنە استانا قالاسى», - دەگەن ەدٸ تيمۋر سٷلەيمەنوۆ.
