جاڭا ٷكٸمەتتٸ ينفلياتسيياعا قارسى جۇمىس تەسٸلٸن قايتا قاراۋى كەرەك. بۇل تۋرالى مەجٸلٸستٸڭ جالپى وتىرىسىندا دەپۋتات ايقىن قوڭىروۆ مەلٸم ەتتٸ, دەپ حابارلايدى قازاقپارات.
«2021 جىلدىڭ قورىتىندىسىن جارييالاعاندا مەملەكەتتٸك ورگاندار ەلدەگٸ ازىق-تٷلٸك ينفلياتسيياسىنىڭ دەڭگەيٸ ەدەۋٸر تٶمەندەتٸلگەنٸن مەلٸمدەدٸ. بەلگٸلٸ بٸر جەتٸستٸك بار. بۇل – ەلەۋمەتتٸك ماڭىزى بار ازىق-تٷلٸك تاۋارى باعاسىنىڭ نٶلدٸك ٶسٸمٸ, بٸرقاتارىنىڭ باعاسىنىڭ تٶمەندەۋٸ. باعا مونيتورينگٸ اپتا سايىن جٷرگٸزٸلەدٸ. جاۋاپتى مەملەكەتتٸك ورگان انىقتالدى. سوندا دا ازىق-تٷلٸك باعاسىنىڭ جالپى دەڭگەيٸ كٶتەرٸلدٸ. 2021 جىلعى ٶسٸم 9,9 پايىزعا جەتتٸ», - دەدٸ ا. قوڭىروۆ ٷكٸمەت باسشىسى ەليحان سمايىلوۆتىڭ اتىنا جولداعان ساۋالىندا.
ونىڭ ايتۋىنشا, حالىقتىڭ تابىسىنىڭ 56 پايىزدان استامى ازىق-تٷلٸككە جۇمسالدى. برقاتار ٶڭٸرلەردە (الماتى, اتىراۋ, باتىس قازاقستان, تٷركٸستان, جامبىل وبلىستارىندا) شىعىس كٶلەمٸ 60%-دان استام بولدى. شىعىستار ەكٸ نەگٸزگٸ بٶلٸككە جۇمسالدى - ول نان مەن جارما جەنە ەت پەن ەت ٶنٸمدەرٸنە.
2021 جىلعى قاڭتار-قاراشادا ونىڭ الدىنداعى جىلدىڭ سەيكەس كەزەڭٸمەن سالىستىرعاندا نان-توقاش ٶنٸمدەرٸ مەن جارما – 9,1% -عا, ونىڭ ٸشٸندە جارما – 20,2%-عا, ماكارون ٶنٸمدەرٸ – 11,5%-عا قىمباتتادى. ەت باعاسى 8,7% - عا, ونىڭ ٸشٸندە قوي ەتٸ – 15,1%-عا, جىلقى ەتٸ 10%-عا ٶستٸ.
«قاراپايىم ادامدار ٷشٸن ماڭىزدى ازىق-تٷلٸكتٸڭ باعاسى 2 تاڭبالى سانمەن ەسەپتەلەدٸ. سوندىقتان باعانىڭ ٶسۋٸن تەجەۋدٸ تەك تاكتيكالىق تۇرعىداعى جەڭٸس دەپ ساناۋعا بولادى. 2022 جىلدىڭ باسىندا قازاقستاندا ازىق-تٷلٸك باعاسى 0,2% -عا ٶستٸ. ٶسٸمنٸڭ وبەكتيۆتٸ سەبەپتەرٸ بار», - دەدٸ دەپۋتات.
ونىڭ سٶزٸنە قاراعاندا, بۇرىنعى ٷكٸمەت پرەزيدەنتتٸڭ قازاقستان حالقىنا جولداۋىنان كەيٸن بٸر اپتادان سوڭ «2021-2024 جىلدارعا ارنالعان ينفلياتسيياعا قارسى دەن قويۋ شارالارىنىڭ كەشەنٸن» بەكٸتتٸ. جەدەل قابىلدانعاندىقتان, عىلىمي تۇرعىدان تالقىلاۋ مەن ساپالى ساراپتاما جٷرگٸزۋگە مٷمكٸندٸك بەرمەدٸ.
«بٸزگە تەرەڭ, عىلىمي نەگٸزدەلگەن, ٷيلەسٸمدٸ جەنە ساراپتامالىق جۇمىس قاجەت. قازاقستاندا قىسقا مەرزٸمدٸ, ورتا مەرزٸمدٸ جەنە ۇزاق مەرزٸمدٸ كەزەڭدەرگە باعدارلانعان ينفلياتسيياعا قارسى ۇلتتىق ستراتەگييا بولۋى تيٸس. «قازاقستان حالىق پارتيياسى» فراكتسيياسى جاڭا ٷكٸمەتتٸ ينفلياتسيياعا قارسى جۇمىس تەسٸلٸن قايتا قاراۋعا شاقىرادى», - دەدٸ ايقىن قوڭىروۆ.
