ينفلياتسييا دەڭگەيٸن باقىلاۋ جەنە ونى تٶمەندەتۋگە قاتىستى جاڭا شارالار كەشەنٸ ەزٸرلەندٸ. بۇل تۋرالى ٷكٸمەت وتىرىسىندا قر پرەمەر-مينيسترٸ ەليحان سمايىلوۆ ايتتى دەپ حابارلايدى قازاقپارات.
«پرەزيدەنت بيۋدجەتتٸڭ كٸرٸس بٶلٸگٸن ۇلعايتۋ مەسەلەسٸن اتاپ كٶرسەتتٸ. قازٸرگٸ تاڭدا تاۋ-كەن سەكتورىندا پايدالى قازبالاردى ٶندٸرۋگە سالىناتىن سالىق مٶلشەرلەمەسٸن, مۇناي ٶنٸمدەرٸن ٶندٸرۋشٸلەرگە ارنالعان اكتسيزدەردٸ, جەر قويناۋىن پايدالانۋشىلاردىڭ ديۆيدەنتتەرٸ بويىنشا جەڭٸلدٸكتەردٸ جەنە ترانسفەرتتٸك باعا بەلگٸلەۋ تەرتٸبٸن قايتا قاراۋ بويىنشا ۇسىنىستار دايىن بولدى. ۇلتتىق ەكونوميكا جەنە قارجى مينيسترلٸكتەرٸ وسى ۇسىنىستاردى جۇرتشىلىق پەن بيزنەسكە كەڭٸنەن تٷسٸندٸرٸپ, ولاردىڭ تەز ارادا زاڭ جٷزٸندە بەكٸتٸلۋٸن قامتاماسىز ەتۋٸ قاجەت», - دەدٸ ٷكٸمەت باسشىسى.
سونىمەن قاتار ول ماينينگ سالاسىنىڭ پروبلەمالىق مەسەلەلەرٸن شۇعىل رەتتەۋ قاجەتتٸگٸنە نازار اۋدارتتى.
«قازٸرگٸ كەزدە ٷكٸمەت ماينينگ تەسٸلدەرٸن قايتا قاراپ جاتىر. بۇل سالانى رەتتەۋ جەنە دامىتۋ ٷشٸن تسيفرلىق دامۋ مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ, بارلىق مەسەلەلەردٸ مەجٸلٸس دەپۋتاتتارى باستاماشى بولعان «تسيفرلىق اكتيۆتەر تۋرالى» زاڭ جوباسى اياسىندا پىسىقتاۋى قاجەت», - دەدٸ پرەمەر-مينيستر.
سونىمەن قاتار ٷكٸمەت باسشىسى پرەزيدەنت تاپسىرماسىنا سەيكەس, ينفلياتسييا دەڭگەيٸن باقىلاۋ جەنە ونى تٶمەندەتۋگە قاتىستى جاڭا شارالار كەشەنٸ ەزٸرلەنگەنٸن ايتتى.
«ول ەگٸس القاپتارىن كٶبەيتۋ جەنە ازىق-تٷلٸك ٶنٸمدەرٸن ٶندٸرۋ مەن ٶڭدەۋ سالاسىنداعى ينۆەستيتسييالىق جوبالاردى ٸسكە اسىرۋ ارقىلى وتاندىق ٶندٸرٸستٸ ۇلعايتۋعا باعىتتالعان. سونىمەن قاتار جانار-جاعارماي ماتەريالدارىن ٶندٸرۋ مەن ولاردى بٶلۋ جٷيەسٸن رەفورمالاۋ بويىنشا جٷيەلٸ شارالار قابىلداناتىن بولادى. سونداي-اق باعانى بەلگٸلەۋگە باقىلاۋ جاساۋ جەنە مونوپوليياعا قارسى رەتتەۋ شارالارى كٶزدەلٸپ وتىر. قابىلدانىپ جاتقان شارالار باعانى بٸرتٸندەپ تۇراقتاندىرۋعا, ينفلياتسييانى نىسانالى دەڭگەيدە ۇستاپ تۇرۋعا, جەنە بيزنەس احۋالدى جاقسارتۋعا ىقپال ەتەدٸ. وسىعان وراي ينفلياتسييا دەڭگەيٸن باقىلاۋ جەنە تٶمەندەتۋ بويىنشا شارالار كەشەنٸن ماقۇلداۋدى ۇسىنامىن», - دەدٸ ول.
پرەمەر-مينيستر مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەرگە اتالعان ٸس-شارالاردىڭ ساپالى جەنە تيٸمدٸ ورىندالۋىن ەرەكشە باقىلاۋعا الۋدى تاپسىردى.
«شارالار كەشەنٸنٸڭ ورىندالۋ بارىسىن ٷكٸمەتتە تۇراقتى تٷردە قارايتىن بولامىز. جالپى مەملەكەتتٸك جەنە كۆازيمەملەكەتتٸك سەكتوردىڭ ساتىپ الۋىن جەتٸلدٸرۋ بويىنشا ۇسىنىلعان شارالاردى قولدايمىز. قارجى مينيسترلٸگٸ «سامۇرىق-قازىنا» قورىمەن بٸرلەسٸپ, وسى ۇسىنىستاردى زاڭ جٷزٸندە بەكٸتۋ مەسەلەسٸن جىلدامداتىپ پىسىقتاسىن», - دەدٸ ەليحان سمايىلوۆ.
