2026 جىلعى شٸلدەدەگٸ قورىتىندى بويىنشا جىلدىق ينفلياتسييا 10,2%-عا تٶمەندەپ, بٸر ايداعى باعانىڭ ٶسۋٸ 0,6%-دى كٶرسەتتٸ. بۇل الدىڭعى ەكٸ جىلداعى شٸلدەدەگٸ كٶرسەتكٸشتەن تٶمەن (2025 جەنە 2024 جىلعى شٸلدەدە 0,7%), دەپ حابارلايدى ult.kz.
ينفلياتسييانىڭ بەسەڭدەۋٸنە ٷكٸمەتتٸڭ ۇلتتىق بانكپەن جەنە قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسٸپ, باعا سەرپٸنٸن تەجەۋگە, ماكروەكونوميكالىق تۇراقتىلىقتى قامتاماسىز ەتٸپ, حالىقتىڭ ەل-اۋقاتىن ارتتىرۋعا ارنالعان شارالار كەشەنٸن ٸسكە اسىرۋى ىقپال ەتتٸ.
ازىق-تٷلٸك تاۋارى باعاسىنىڭ ٶسۋ قارقىنىنىڭ تٶمەندەۋٸ دە ينفلياتسييانى بەسەڭدەتۋگە باستى ٷلەس قوسۋدا. شٸلدەدە جىلدىق ازىق-تٷلٸك ينفلياتسيياسى 10,1%-عا باياۋلاسا, ەلەۋمەتتٸك ماڭىزى بار ازىق-تٷلٸك تاۋارى باعاسىنىڭ ٶسۋٸ نەبەرٸ 2,4% بولدى. بۇل بٸر جىل بۇرىنعىعا قاراعاندا, 7 پايىزدىق تارماققا تٶمەن (9,4%).
مۇنداي نەتيجە ەلەۋمەتتٸك ماڭىزى بار ازىق-تٷلٸك تاۋارى تٸزبەسٸن 19-دان 31 تٷرگە دەيٸن ارتتىرىپ, شەكتٸ 15% ساۋدا ٷستەمەسٸنٸڭ ساقتالۋىن تۇراقتى باقىلاۋدى, نەتيجەسٸز دەلدالداردى انىقتاپ, قىسقارتۋدى, ٸشكٸ نارىقتى وتاندىق ٶنٸممەن قانىقتىرىپ, ازىق-تٷلٸك تاۋارىنا قول جەتكٸزۋدٸ قامتاماسىز ەتۋدٸ قامتيتىن شارالار كەشەنٸ ارقىلى جٷزەگە اسىرىلدى.
بۇل رەتتە ججم نارىعىن دەيەكتٸ ىرىقتاندىرۋعا جەنە رەتتەلەتٸن كوممۋنالدىق قىزمەت تاريفٸنٸڭ ٶسۋٸنە موراتورييدٸڭ اياقتالۋ فاكتورىنىڭ ىقپالىنا قاراماستان, جالپى ينفلياتسييانىڭ بەسەڭدەۋٸ ساقتالىپ وتىر. وسى فاكتورلار, ەڭ الدىمەن, باعانىڭ شٸلدەدەگٸ جىلدىق ٶسۋٸ 11,7% بولعان ازىق-تٷلٸك ەمەس تاۋارلار قۇنىنا قىسىم جاساۋدى جالعاستىرۋدا.
