رەسپۋبليكالىق دياگنوستيكا ورتالىعىنىڭ كلينيكالىق يممۋنولوگييا, اللەرگولوگييا جەنە پۋلمونولوگييا بٶلٸمٸنٸڭ مەڭگەرۋشٸسٸ, م.ع.د. ەلەنا كوۆزەل 1 اقپاندا باستالاتىن كوروناۆيرۋسقا قارسى ۆاكتسيناعا قاتىستى پٸكٸرٸن بٸلدٸردٸ, دەپ حابارلايدى Baq.kz اگەنتتٸگٸ.
كوروناۆيرۋسقا بايلانىستى ۆاكتسيناتسييانىڭ باستالۋى - كٷتكەن ناۋقان. مەملەكەت پەن دەنساۋلىق ساقتاۋ مينيسترلٸگٸ ازاماتتاردى اتالعان ٸندەتتەن قورعاۋ ٷشٸن وسىنداي ۇسىنىس جاساپ وتىر. ال ونىڭ تيٸمدٸلٸگٸ قالاي بولاتىنىن ايتۋ ٶتە قيىن. ەرينە, جاقسىلىقتان ٷمٸتتەنەمٸز. قالاي دەسەك تە, ٸندەتتەن قورعانۋ ٷشٸن بۇل ۆاكتسينا قاجەت. ونىڭ ٷستٸنە بۇل ۆاكتسينا COVID-19 ٸندەتٸنٸڭ بۇرىنعى بەلگٸلەرٸنەن عانا ەمەس, باسقا دا تٷرلەرٸنەن قورعايدى. ۆاكتسينالاۋ بٸرٸنشٸ كەزەكتە وقىتۋشىلارعا, ەسكەري قىزمەتكەرلەرگە جەنە مەديتسينا قىزمەتكەرلەرٸنە سالىنادى. بٸز سول كەزدە وسى اكتسييانىڭ قانشالىقتى تيٸمدٸ ەكەنٸن بايقاي الامىز. سوسىن حالىقتىڭ باسقا بٶلٸگٸنە سالۋدى جالعاستىرۋعا بولادى, - دەيدٸ ەلەنا كوۆزەل.
ول وسى ۆاكتسينالاۋعا قارسى شىعىپ جاتقان تاراپتىڭ پٸكٸرٸنە قاتىستى دا ويىن بٸلدٸردٸ.
ۆاكتسينالاۋعا قاتىستى نەگاتيۆتٸ پٸكٸرلەردٸڭ بار ەكەنٸ راس. بٸر جاعىنان ول ادامداردى تٷسٸنەمٸن. ينتەرنەتتە ناقتىلانباعان جالعان اقپاراتتار ٶرٸپ جٷر. سوندىقتان ادامدار كٸمگە سەنەرٸن بٸلمەي قالادى. بٸراق ايتارىم, دەنساۋلىق ساقتاۋ مينيسترلٸگٸ نارىقتا بار ۆاكتسينانىڭ ٸشٸندە ەڭ وزىعىن تاڭداپ وتىر. گامالەي اتىنداعى ينستيتۋتتىڭ 150 جىلدان بەرٸ تەجٸريبەسٸ بار. بٸز حالىققا بۇل ۆاكتسينانىڭ قاجەت جەنە قاۋٸپسٸز ەكەنٸن دەلەلدەي الامىز دەپ ويلايمىن. ٶزٸمنٸڭ دەرٸگەر رەتٸندە 25 جىلدىق تەجٸريبەم بار. جالپى پراكتيكادا ۆاكتسينانىڭ ارقاسىندا ميلليونداعان ادامداردىڭ ٶمٸرٸن قۇتقارىپ جاتقانىمىزعا كۋەمٸن. COVID-19 باستالعان 2019 جىلدىڭ سوڭى مەن بىلتىرعى جىلى قانشاما ازاماتتارىمىز وسى ٸندەتتەن ٶمٸردەن ٶتٸپ كەتتٸ. ەگەر ۆاكتسينا سالىنعان كەزدە بٸرازىن قورعاپ قالۋعا بولار ەدٸ. ۆاكتسينا قالاي دەسەك تە ادامداردىڭ ٶمٸرٸن قورعاۋعا كەرەك, - دەيدٸ دەرٸگەر.
ول وسى رەتتە «ۆاكتسينا سالىنعاننان كەيٸن ادامدار ەمٸن-ەركٸن جٷرە الا ما?» دەگەن ساۋالعا جاۋاپ بەردٸ.
ۆيرۋسقا قارسى پروفيلاكتيكا مٸندەتتٸ تٷردە قاجەت. جالعىز كوروناۆيرۋس ەمەس, تۇماۋ, پاراگريپپ بار. ال ناقتى كوروناۆيرۋسقا توقتالاتىن بولساق, بۇل جەردە اعزاعا ۆيرۋس قانشالىقتى تاراعانى ماڭىزدى. ۆاكتسينا العان ادام ٶمٸر بويىنا ٸندەتتەن قورعانىپ جٷرۋٸ مٷمكٸن ەمەس. بٸراق بٸر رەت ۆاكتسينا كەمٸ 2 جىلعا جارامدى بولادى, - دەيدٸ ەلەنا كوۆزەل.
ايتا كەتەيٸك, قازاقستاندا كوروناۆيرۋس ينفەكتسيياسىنا قارسى ۆاكتسينانى 1 اقپاننان باستاپ ەگۋ جوسپارلانىپ وتىر. بۇل تۋرالى ٷكٸمەت وتىرىسىندا دەنساۋلىق ساقتاۋ مينيسترٸ الەكسەي تسوي حابارلاعان بولاتىن. مينيستردٸڭ ايتۋىنشا, حالىققا ەكپە جۇمىستارى ۆاكتسينانىڭ جەتكٸزٸلۋ مٶلشەرٸنە قاراي سالىنادى. دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸ بويىنشا, قازٸر ەلەمدە 25 ۆاكتسينا سىناقتان ٶتٸپ, تاعى 100-دەن استامى ەزٸرلەنٸپ جاتىر.
