مەسكەۋ مەملەكەتتٸك لينگۆيستيكالىق ۋنيۆەرسيتەتٸندە قازاق تٸلٸ مەن مەدەنيەت ورتالىعىنىڭ 15 جىلدىعىنا وراي سالتاناتتى جيىن ٶتتٸ, دەپ حابارلايدى "ۇلت اقپارات" ەلشٸلٸكتٸڭ باسپاسٶز قىزمەتٸنە سٸلتەمە جاساپ.
ەلباسى نۇرسۇلتان ەبٸشۇلى نازارباەۆتىڭ تٸكەلەي قولداۋىمەن قۇرىلعان بۇل مەكەمە وسى ۋاقىت ارالىعىندا ەكٸ ەل اراسىندا عانا ەمەس, جالپى رۋحانييات سالاسىنداعى ٶزٸنٸڭ ٷلكەن ورنى مەن رٶلٸن دەلەلدەدٸ. قازاق تٸلٸ مەن مەدەنيەتٸ ورتالىعىنىڭ 15 جىلدىق مەجەلٸ مەرەكەسٸ ەكٸ ەلدٸڭ ىنتىماقتاستىعىنا ەلەۋلٸ ٷلەسٸن قوسىپ وتىر.
جيىنعا كەلگەندەر الدىندا سٶز سٶيلەگەن قازاقستان رەسپۋبليكاسىنىڭ رەسەي فەدەراتسيياسىنداعى ٶكٸلەتتٸ جەنە تٶتەنشە ەلشٸسٸ يمانعالي تاسماعامبەتوۆ حالىقتار اراسىنداعى مەدەني قۇندىلىقتار ۇرپاقتان ۇرپاققا تٸل ارقىلى تارايتىنىن ايتتى. "تٸل-ەلدٸگٸمٸزدٸ تانىتاتىن نەگٸزگٸ قۇرال, بابالار ٶسيەتٸن جالعاستىراتىن قۇندىلىق. ۇلى جازۋشى جەنە فيلوسوف, نوبەل سىيلىعىنىڭ لاۋرەاتى البەر كاميۋ بىلاي ايتقان ەكەن: "ييا, مەنٸڭ تۋعان جەرٸم بار. ول فرانتسۋز تٸلٸ", – دەپ ٶز سٶزٸن ساباقتادى ەلشٸ مىرزا.
سونداي-اق ول, يۋنەسكو ۇيىمىنىڭ مەلٸمەتٸ بويىنشا, 2030 جىلى 20 ملن. ادامنان كەم سٶيلەيتٸن تٸلدەر بولاشاقتا جويىلۋ قاۋپٸ بار ەكەنٸن ەسكە سالىپ ٶتتٸ. "ييا, تابيعاتتا تٸل مەن مەدەنيەت قانا ەمەس, بارلىعى دا جويىلۋى مٷمكٸن. الايدا انا تٸلدٸ ساقتاۋ, ەربٸر ادامنىڭ باستى پارىزى. ازاماتتىڭ ۇلتتىق ساناسى – ٶز تاريحىن, مەدەنيەتٸن بايلانىستىراتىن, ادامداردى ۇيىستىراتىن ٶزەگٸ", – دەدٸ يمانعالي تاسماعامبەتوۆ.
وسى 15 جىل ٸشٸندە قازاق تٸلٸن مەڭگەرگەن 3 بۋىن تٷلەپ ۇشتى. ٶز كەزەگٸندە, مملۋ رەكتورى يرينا كراەۆا, وسى ۋاقىت ارالىعىندا 50-گە جۋىق ازامات قازاق تٸلٸن بٸلٸپ قانا قويماي, كەسٸبي تۇرعىدا حالىقارالىق دەرەجەدە كەلٸسسٶزدەر جٷرگٸزە الاتىن مامان بولعانىن ماقتانىشپەن جەتكٸزدٸ.
"قازاق تٸلٸ كٶپ مەدەنيەتتٸ تٸل ٷيرەنۋشٸلەردٸڭ ورتالىعىندا تولىققاندى مٷشەسٸ اتاندى", – دەدٸ رەسەي ۋنيۆەرسيتەت باسشىسى.
شارا سوڭىندا قازاقستان ەلشٸسٸ يمانعالي تاسماعامبەتوۆ ورتالىقتىڭ ينتەراكتيۆتٸ تانىستىرىلىمىن كٶرٸپ, رەسەيلٸك ستۋدەنتتەرمەن قازاقشا سٶيلەستٸ.
