"يسلام مەملەكەتٸ" (يم) ەكسترەميستٸك ۇيىمى جەتەكشٸلەرٸ "ابۋ باكر ەل-باعداديدٸڭ داۋىسى" دەپ جاڭا اۋديو جازبا جارييالادى.
46 مينۋتقا سوزىلاتىن اۋديو جازبانى 28 قىركٷيەكتە يم-مەن بايلانىسى بار Al-Furqan اقپاراتتىق سايتى تاراتتى. داۋىستىڭ قاشان جازىلعانى بەلگٸسٸز.
اۋديودا ٶزٸن يم باسشىسى ابۋ باكر ەل-باعدادي دەپ تانىستىرعان ادام سولتٷستٸك كورەيانىڭ تاياۋدا جاپونييا مەن اقش-قا دوق كٶرسەتٸپ, شٷيلٸككەنٸن ايتادى. ول بۇعان قوسا شٸلدەدە يراك ەسكەرٸ ازات ەتكەن موسۋل قالاسى سيياقتى يم بەكٸنگەن قالالار ٷشٸن شايقاستار تۋرالى دا ايتادى.
باعداديدٸڭ داۋىسى دەلٸنگەن اۋديو جازبا سوڭعى رەت 2016 جىلدىڭ قاراشاسىندا جارييالانعان بولاتىن.
لوندوندا ورنالاسقان Syrian Observatory for Human Rights (SOHR) ۇيىمى شٸلدەدە يم-نٸڭ ٶز اراسىنداعى دەرەككٶزدەرٸنەن ابۋ باكر ەل-باعداديدٸڭ كٶزٸ جويىلعانىن راستاعانىن حابارلاعان ەدٸ. بٸراق ونىڭ قاشان جەنە قالاي اجال قۇشقانى بەلگٸسٸز.
رەسەي ەسكەريلەرٸ ماۋسىمدا باعداديدٸڭ مامىردىڭ سوڭىندا سيرييانىڭ راككا قالاسىندا ەۋە شابۋىلدارىندا قازا تاپقان بولۋى مٷمكٸن دەپ بولجاپ وتىرعانىن, بٸراق ونى ەلٸ دە ناقتىلاۋعا تىرىسىپ جاتقانىن مەلٸمدەگەن بولاتىن. ٶتكەن ايدا اقش ەسكەري قولباسشىسى يم باسشىسى ەلٸ تٸرٸ بولۋى مٷمكٸن ەكەنٸن مەلٸمدەگەن.
2014 جىلدىڭ جازىندا سيرييا مەن يراكتىڭ بٸراز بٶلٸگٸن باسىپ العان يم سودىرلارى سوڭعى ايلاردا ەكٸ ەلدەگٸ بٸراز تەرريتوريياسىنان ايىرىلعان.
