زٸلتەمٸرشٸلەر يليا يلين مەن زۋلفييا چينشانلو ٷلكەن سپورتقا قايتا ورالدى. ولار تالدىقورعاندا جالاۋىن كٶتەرگەن اۋىر اتلەتيكادان جەكە كوماندالار اراسىنداعى قازاقستان چەمپيوناتىندا باق سىنايدى, دەپ حابارلايدى قازاقپارات تٸلشٸسٸ.
دوپينگ داۋىنا ٸلٸگٸپ, ارتىنشا حالىقارالىق اۋىر اتلەتيكا فەدەراتسيياسىنىڭ شەشٸمٸمەن سپورتتان شەكتەتٸلگەن اۋىر اتلەتتەر ٷشٸن بۇل ٶزدەرٸن كٶرسەتۋدٸڭ جاڭا بٸر مٷمكٸندٸگٸ. سوندىقتان بۇل جارىسقا يليا يلين ەرەكشە دايىندىقپەن كەلٸپ وتىر. سپورتشى 102 كگ سالماقتا ٶنەر كٶرسەتپەك.
«مەن ٶزٸمنٸڭ زٸلتەمٸر كٶتەرۋ ستيلٸمدٸ تولىق ٶزگەرتتٸم. ونى ٶزدەرٸڭٸز كٶرە جاتارسىزدار. دەل قازٸر جاڭا تەحنيكامدى مەڭگەرۋ ٷستٸندەمٸن. سوندىقتان بەرٸن ۋاقىت كٶرسەتەدٸ. مەن ٷشٸن ۋايىمداپ, ماعان قولداۋ كٶرسەتكەن بارلىق جانكٷيەرلەرٸمە العىسىمدى بٸلدٸرەمٸن. سٸزدەر ماعان كٷش-قۋات بەرەسٸزدەر», - دەدٸ يليا يلين.
سپورتشىنىڭ باستى ماقساتى بۇل دودادا جاقسى ٶنەر كٶرسەتٸپ, ەلەم چەمپيوناتىنا جولداما الۋ.
ايتا كەتەيٸك, تالدىقورعان قالاسىنداعى اۋىر اتلەتيكادان جەكە كوماندالار ارىسىنداعى ەل چەمپيوناتىنا 140-تان استام زٸلتەمٸرشٸ قاتىسۋدا. جارىس 2 قىركٷيەككە دەيٸن جالعاسادى.
