ەلەمنٸڭ تٶرت دٷركٸن چەمپيونى يليا يلين Sports True-نىڭ Youtube ارناسىنا بەرگەن اشىق سۇحباتىندا ٶزٸنٸڭ جالاقىسى تۋرالى ايتتى, دەپ حابارلايدى قازاقپارات.
«مەنٸڭ شوتىمدا ەشقانداي اقشا جوق. مەن بارلىق اقشامدى ەكٸ جىل ساياحاتتاپ جۇمساپ قويدىم. الايدا مەن "قايىر" سۇراپ قالعان ەمەسپٸن. مەنٸڭ ازداعان جالاقىم بار. اقشانى وڭدى-سولدى شاشۋدى توقتاتتىم. قازٸر مەن قۇرامادامىن, ماعان كٶپ ەشتەڭەنٸڭ كەرەگٸ جوق. تابىسىمدى وتباسىما, قىزىم ميلانانىڭ قاجەتتٸلٸكتەرٸنە جۇمسايمىن. اقشام جەتەدٸ, ونىڭ ٷستٸنە مەن قازٸر جالعىزبىن. بانكتە جيناعان اقشام جوق, مەن ميلليونەر ەمەسپٸن, تەك جالاقىعا عانا ٶمٸر سٷرەمٸن», - دەدٸ يليا يلين ٶزٸنٸڭ سۇحباتىندا.
سونداي-اق, ول ٶزٸنٸڭ جالاقىسى شامامەن ەكٸ مىڭ دوللار ەكەنٸن ايتتى.
ايتا كەتسەك, 2008 جەنە 2012 جىلعى وليمپيادا ويىندارىنىڭ نەتيجەسٸ بويىنشا دوپينگ پايدالاندى دەپ ايىپ تاعىلعاننان كەيٸن يليا يلين ەكٸ جىلعا دەيٸن سپورتتان شەتتەتٸلگەن ەدٸ. بيىلعى جىلدىڭ ماۋسىم ايىندا سپورتشىنىڭ ديسكۆاليفيكاتسييالاۋ مەرزٸمٸ اياقتالدى.
وسى ٷزٸلٸستەن كەيٸن ٷلكەن سپورتقا ورالعان يليا يلين 2018 جىلعى قازاقستان چەمپيوناتىنىڭ جەڭٸمپازى اتانعان بولاتىن. يلين 102 كەلٸگە دەيٸنگٸ سالماق دەرەجەسٸندە تالدىقورعاندا ٶتكەن ەل بٸرٸنشٸلٸگٸن جەڭٸپ الدى. يلين 172+208 كەلٸ زٸلتەمٸرلەردٸ جۇلقي كٶتەرۋدەن ەلٸشەر ورازبەك پەن ەلدار سەمباەۆتى ارتقا تاستاپ, ەڭ جوعارى نەتيجە كٶرسەتتٸ.
