قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا قر ٸشكٸ ٸستەر مينيسترٸ ەرلان تۇرعىمباەۆ اۆتوجولدارداعى قاۋٸپسٸزدٸكتٸ قامتاماسىز ەتۋ بويىنشا قابىلدانىپ جاتقان شارالار تۋرالى باياندادى, دەپ حابارلايدى "ۇلت اقپارات".
مينيستردٸڭ ايتۋىنشا, ٶتكەن اپتادا اۋا رايىنىڭ قولايسىزدىعىنا بايلانىستى بٸرقاتار جولداردا قوزعالىس توقتاتىلدى. اۋا رايىنىڭ قاۋٸپتٸ بولۋى تۋرالى ەسكەرتۋلەر بۇقارالىق اقپارات قۇرالدارى مەن سمس ارقىلى تاراتىلدى. الايدا, وسى ەسكەرتۋلەرگە قاراماستان, تٶتەنشە جاعدايلار كەزٸندە كٶپتەگەن جٷرگٸزۋشٸلەر جولعا شىققان.
مينيستردٸڭ ايتۋىنشا, اۋا-رايى جاعدايلارى جولدارداعى جاعدايعا كەرٸ ەسەرٸن تيگٸزدٸ. اتاپ ايتقاندا, تەمپەراتۋرانىڭ «نٶل گرادۋسقا» دەيٸن كٷرت كٶتەرٸلۋٸ جەنە سونىڭ سالدارىنان كٶكتايعاقتىڭ قالىپتاسۋى, سونىمەن قاتار جاڭبىر مەن قار جاۋۋىنىڭ, تۇماننىڭ ەسەرٸنەن جولدىڭ كٶرٸنۋٸنٸڭ شەكتەلۋٸ.
سونىمەن بٸرگە, پوليتسييا اپاتتى جاعدايلاردى ازايتۋ ماقساتىندا كٷن سايىن رەسپۋبليكالىق جەنە جەرگٸلٸكتٸ بۇقارالىق اقپارات قۇرالدارى ارقىلى كٷردەلٸ مەتەورولوگييالىق جاعدايلاردا كٶلٸك قۇرالدارىن پايدالانۋ جەنە كٶلٸك قوزعالىسىنىڭ شەكتەۋلەرٸ تۋرالى اقپارات تاراتتى.
بۇعان قوسا, ە. تۇرعىمباەۆتىڭ ايتۋىنشا, كٶپتەگەن جٷرگٸزۋشٸلەر اقاۋى بار كٶلٸك قۇرالدارىن جٷرگٸزە وتىرىپ, قوزعالىسى جابىق قاۋٸپتٸ ۋچاسكەلەرگە اينالما جولدار بويىنشا جولعا شىققان.
«جول قوزعالىسى ەرەجەلەرٸن ەسكەرمەي, كٶكتايعاق پەن جولدىڭ كٶرٸنۋٸ شەكتەۋلٸ جاعدايدا جىلدامدىق رەجيمٸن بۇزىپ, قاشىقتىقتى ساقتاماعاننىڭ سالدارىنان جول-كٶلٸك وقيعالارى ورىن الدى», — دەدٸ مينيستر.
ٸشكٸ ٸستەر ورگاندارى كوممۋنالدىق قىزمەتتەرمەن جەنە جەرگٸلٸكتٸ اتقارۋشى ورگاندارمەن بٸرلەسٸپ, كەپتەلٸستەردٸ جويۋ, جولداردى تازارتۋ, ينەرتتٸ ماتەريالداردى سەبۋ, ەۆاكۋاتسييالاۋ جەنە ازاماتتارعا شۇعىل كٶمەك كٶرسەتۋ شارالارىن ورىندادى.
بارلىعى قار قۇرساۋىنان 120-دان استام اۆتوماشينا مەن 900-دەن استام ادام ەۆاكۋاتسييالاندى. ەۆاكۋاتسييالانعان ازاماتتار جاقىن ماڭداعى ەلدٸ مەكەندەردە ورنالاسقان جىلۋ پۋنكتتەرٸنە ورنالاستىرىلدى. ٶڭٸرلەردە ازاماتتارعا كٶمەك كٶرسەتۋ ٷشٸن جەدەل شتابتار قۇرىلدى.
ە. تۇرعىمباەۆتىڭ ايتۋىنشا, ادامداردى قۇتقارۋعا تجك-نٸڭ 200-دەن استام قىزمەتكەرٸ مەن 300 پوليتسييا قىزمەتكەرٸ, 170 بٸرلٸك قۇتقارۋ تەحنيكاسى مەن پوليتسييا ماشينالارى, سونداي-اق جەرگٸلٸكتٸ اتقارۋشى ورگاندار مەن جول قىزمەتتەرٸنٸڭ ارنايى تەحنيكالارى تارتىلعان.
«تراسسالىق مەديتسينالىق-قۇتقارۋ پۋنكتەرٸنٸڭ بريگادالارى جكو بولعان جەرلەرگە 42 ساپار جاسادى, 41 ازاماتقا مەديتسينالىق كٶمەك كٶرسەتتٸ», — دەدٸ مينيستر.
قازٸرگٸ ۋاقىتتا جولدارداعى جاعداي تۇراقتاندىرىلدى, ولاردىڭ قاۋٸپسٸز جۇمىس ٸستەۋٸن قامتاماسىز ەتۋگە بارلىق قاجەتتٸ تەحنيكالار مەن ادام رەسۋرستارى تارتىلدى.
«الايدا, 8 ٶڭٸردە اۋا-رايى ەلٸ دە تۇراقسىز. ولار: شىعىس قازاقستان, اتىراۋ, اقمولا, قوستاناي, قىزىلوردا, پاۆلودار, سولتٷستٸك قازاقستان جەنە تٷركٸستان وبلىستارى. وسىعان بايلانىستى بٸز وبلىستاردىڭ ەكٸمدەرٸن جاعدايدى باقىلاۋ جەنە جول قاۋٸپسٸزدٸگٸن قامتاماسىز ەتۋ ٷشٸن بٸرلەسە جۇمىس ٸستەۋگە شاقىرامىز», — دەپ تٷيٸندەدٸ ٸشكٸ ٸستەر مينيسترٸ.
