فوتو: Polisia.kz
ٸٸم ۇيىمداسقان قىلمىسقا قارسى كٷرەس دەپارتامەنتٸ ۇلتتىق قاۋٸپسٸزدٸك كوميتەتٸمەن بٸرلەسٸپ, پروكۋراتۋرانىڭ ٷيلەستٸرۋٸمەن قۇرامىنا قازاقستاننىڭ جەنە جاقىن شەت ەلدەردٸڭ ازاماتتارى كٸرگەن ترانسۇلتتىق قىلمىستىق توپتىڭ جولىن كەستٸ, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
ولار مودەلدٸك اگەنتتٸكتٸڭ اتىن جامىلىپ, پورنوگرافييالىق ماتەريالداردى دايىنداۋمەن جەنە تاراتۋمەن اينالىسقان. مەسەلەن, قىلمىستىق توپتىڭ مٷشەلەرٸ ۇزاق ۋاقىت بويى ەلەۋمەتتٸك جەلٸ ارقىلى 2 ملن تەڭگەگە دەيٸن اي سايىنعى تٶلەمدٸ ۋەدە ەتٸپ, 18-دەن 25 جاسقا دەيٸنگٸ قىزداردى تارتقان. قىزدار اتالعان قىزمەتتەن باس تارتقان جاعدايدا قىلمىسكەرلەر ولارعا پسيحولوگييالىق قىسىم كٶرسەتٸپ, ايىپپۇل سالعان.
توپتىڭ ٸشٸندە ناقتى رٶلدەرٸ بەلگٸلەنگەن ۇيىمداستىرۋشىلار, باسشىلار, ازعىرىپ كٶندٸرۋشٸلەر, ەكٸمشٸلەر, IT-ماماندار مەن بۋحگالتەرلەر بولعان. انىقتالعانداي, قىلمىستىق توپتىڭ قاراجات اينالىمى سوڭعى بەس جىلدا 3 ملرد تەڭگەدەن اسادى.
پوليتسييا قىزمەتكەرلەرٸ استانا, الماتى, شىمكەنت, اقتٶبە جەنە قاراعاندى قالالارىندا قىزداردىڭ ينتيمدٸ ۆيدەولارىن تەۋلٸك بويى كٶرسەتۋگە ارنالعان 79 كەڭسە مەن پەتەر انىقتاعان.
ارنايى وپەراتسييا بارىسىندا اتالعان قالالاردا بٸر ۋاقىتتا 138 تٸنتۋ جٷرگٸزٸلٸپ, 80-نەن استام كومپيۋتەرلٸك جابدىق, شامامەن بٸر كيلوگرامم ەسٸرتكٸ قۇرالى جەنە 69 مىڭنان استام اقش دوللارى تەركٸلەنگەن.
"پوليتسيياعا بارلىعى 118 ادام جەتكٸزٸلٸپ, قىلمىستىق توپتىڭ 13 نەگٸزگٸ ۇيىمداستىرۋشىسى, ونىڭ ٸشٸندە ٷش شەتەل ازاماتى ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا ٸٸم تەرگەۋ دەپارتامەنتٸ ترانسۇلتتىق قىلمىستىق توپ قۇرۋ, وعان باسشىلىق ەتۋ جەنە قاتىسۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸپ جاتىر.
قىلمىستىق توپتىڭ نەگٸزگٸ مٷشەلەرٸنە مٷلكٸ تەركٸلەنٸپ, 20 جىلعا دەيٸن باس بوستاندىعىنان ايىرۋ جازاسى قاراستىرىلادى, – دەدٸ ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ باسقارما باستىعى قۋاندىق الپىس.
ۆيدەو: Polisia.kz
