ٸشكٸ ٸستەر مينيسترلٸگٸنٸڭ تەرگەۋ دەپارتامەنتٸ قىلمىستىق ٸستەردٸ تەرگەۋ بارىسىندا زاڭدىلىقتى قامتاماسىز ەتۋ, ازاماتتاردىڭ قۇقىقتارىن قورعاۋ جەنە جەبٸرلەنۋشٸلەرگە كەلتٸرٸلگەن شىعىندى ٶتەۋ باعىتىنداعى جۇمىستاردىڭ نەتيجەسٸن جارييالادى, دەپ حابارلايدى ult.kz.
ٸٸم تەرگەۋ دەپارتامەنتٸنٸڭ باستىعى سامات ايسوۆتىڭ ايتۋىنشا, جىل باسىنان بەرٸ تەرگەلٸپ جاتقان قىلمىستىق ٸستەر اياسىندا مەملەكەتتٸك ورگاندارعا, مەكەمەلەر مەن ۇيىمدارعا 45 مىڭعا جۋىق ۇسىنىس ەنگٸزٸلگەن.
قوعامدىق قاۋٸپسٸزدٸك قالاي كٷشەيتٸلدٸ?
ۇسىنىستاردى قاراۋ نەتيجەسٸندە:
- ەلەۋمەتتٸك قولايسىز اۋدانداردا, ساۋدا جەنە ويىن-ساۋىق ورىندارىندا 2 مىڭعا جۋىق بەينەباقىلاۋ كامەراسى ورناتىلدى;
- 155 قاۋٸپتٸ جول ۋچاسكەسٸندە جارىقتاندىرۋ, باعدارشامدار, جول بەلگٸلەرٸ مەن تاڭبالار جاڭارتىلدى;
- 56 نىساندا قاۋٸپسٸزدٸك شارالارى كٷشەيتٸلٸپ, كٷزەت جٷيەلەرٸ جاڭعىرتىلدى;
- بٸلٸم بەرۋ ۇيىمدارىندا 60-تان استام پروفيلاكتيكالىق ٸس-شارا ٶتكٸزٸلدٸ.
قانداي شارالار قابىلداندى?
- قايتا قىلمىس جاساعان 8 شارتتى تٷردە سوتتالعان ازامات باس بوستاندىعىنان ايىرۋ ورىندارىنا جٸبەرٸلدٸ;
- زاڭسىز قىزمەتپەن اينالىسقان 4 سۋبەكتٸنٸڭ جۇمىسى توقتاتىلدى;
- 15 كافە مەن تٷنگٸ كلۋبتىڭ جۇمىس ۋاقىتى شەكتەلدٸ.
ناقتى مىسالدار
پاۆلودار قالاسىندا بيىل قاڭتار ايىندا بولعان بۇزاقىلىق وقيعاسىنان كەيٸن لاۋندج-بارلاردىڭ بٸرٸنٸڭ قىزمەتٸ توقتاتىلدى.
ال قاراعاندى وبلىسىنداعى اقسۋ-ايۋلى – بالقاش تاس جولىندا جولاۋشىلار اۆتوبۋسى ٶرتەنٸپ, كەمەلەتكە تولماعان بالانىڭ قازا بولۋىنا بايلانىستى بارلىق جولاۋشىلار اۆتوبۋستارىنا تەكسەرۋ جٷرگٸزٸلدٸ.
نەتيجەسٸندە:
- 199 جٷرگٸزۋشٸ مەن اۆتوبۋس يەسٸ ەكٸمشٸلٸك جاۋاپكەرشٸلٸككە تارتىلدى;
- ولاردىڭ 55-ٸ اۆتوبۋس سالونىن رۇقساتسىز جاتىن ورىنعا قايتا جابدىقتاعانى ٷشٸن جاۋاپقا تارتىلعان.
لاۋازىمدى تۇلعالار جاۋاپقا تارتىلدى
ۇسىنىستاردى قاراۋ قورىتىندىسىندا:
- قىلمىستىڭ جاسالۋىنا ىقپال ەتكەن ەرەكەتسٸزدٸگٸ ٷشٸن 2 مىڭنان استام لاۋازىمدى تۇلعا تەرتٸپتٸك جاۋاپكەرشٸلٸككە تارتىلدى;
- ۇسىنىستاردى ۋاقىتىلى قاراماعانى ٷشٸن 500-دەن استام ادام ەكٸمشٸلٸك جاۋاپكەرشٸلٸككە تارتىلعان.
جەبٸرلەنۋشٸلەرگە كەلتٸرٸلگەن شىعىن قالاي ٶتەلٸپ جاتىر?
اياقتالعان قىلمىستىق ٸستەر بويىنشا:
- كەلتٸرٸلگەن جالپى شىعىن – 72 ملرد تەڭگەدەن استام;
- ٶتەلگەن سوما – 34 ملرد تەڭگەدەن استام.
مىسالى, استانادا 111 ادام ينتەرنەت-الاياقتىقتىڭ قۇربانى بولعان ٸس بويىنشا 140 ملن تەڭگەدەن استام شىعىن تولىق ٶتەلدٸ.
شىعىندى ٶتەۋدٸ قامتاماسىز ەتۋ ٷشٸن جالپى قۇنى 29 ملرد تەڭگەدەن اساتىن مٷلٸككە تىيىم سالىندى.
سونىڭ ٸشٸندە الماتى وبلىسىندا الاياقتىق ٸسٸ بويىنشا ەكٸ جشس-نٸڭ جالپى قۇنى 7 ملرد تەڭگەدەن اساتىن 28 جىلجىمايتىن مٷلٸك نىسانىنا ارەست قويىلدى.
ٶتەماقى قورىنىڭ جۇمىسى
جەبٸرلەنۋشٸلەرگە ٶتەماقى قورى ارقىلى:
- 124 ساناتتاعى قىلمىس بويىنشا ٶتەماقى تٶلەۋ قاراستىرىلعان;
- تٶلەم مٶلشەرٸ 30-50 اەك ارالىعىندا بەلگٸلەنگەن;
- قور قۇرىلعاننان بەرٸ 5 مىڭنان استام ادامعا جالپى 831 ملن تەڭگەدەن استام ٶتەماقى تٶلەندٸ.
بولاشاق تەرگەۋشٸلەر قالاي دايىندالىپ جاتىر?
2019 جىلدان بەرٸ زاڭ فاكۋلتەتٸ ستۋدەنتتەرٸنە ارنالعان دۋالدى وقىتۋ باعدارلاماسى جٷزەگە اسىرىلىپ كەلەدٸ.
قازٸرگٸ تاڭدا:
- جوعارى وقۋ ورىندارىمەن 40 مەموراندۋم جاسالعان;
- 47 ستۋدەنتتٸك كلۋبتا 1 524 ستۋدەنت بٸلٸم الۋدا;
- 100-دەن استام تٷلەك ٸشكٸ ٸستەر ورگاندارىنا جۇمىسقا ورنالاسۋعا نيەتتٸ.
سامات ايسوۆتىڭ ايتۋىنشا, بۇل جۇمىستار قۇقىق بۇزۋشىلىقتاردىڭ الدىن الۋدى كٷشەيتٸپ قانا قويماي, ازاماتتاردىڭ قاۋٸپسٸزدٸگٸن قامتاماسىز ەتۋگە جەنە قۇقىق قورعاۋ ورگاندارىنىڭ كادرلىق ەلەۋەتٸن نىعايتۋعا باعىتتالعان.
