باستىقتار تاراپىنان جاسالعان قاتەلٸكتەرگە كٶز جۇمىپ قارامايمىز. بۇل مەلٸمدەمەنٸ قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ تاراتتى.
باسپاسٶز قىزمەتٸنٸڭ مەلٸمەتتەرٸنە قاراعاندا, قر ٸٸم قىزمەتكەرلەرگە جوعارى تالاپتار قوياتىن «كٷردەلٸ» ماماندىقتاردىڭ بٸرٸ, ٶيتكەنٸ ادامداردىڭ تاعدىرى ولار قابىلداعان شەشٸمدەرگە بايلانىستى بولادى. سوندىقتان ولار بەلگٸلٸ بٸر دەرەجەدە قوعام مٷددەسٸن بٸلدٸرەدٸ.
قىزمەت نىسانى, مەملەكەتتٸك قۇرىلىمدارعا دەگەن قاتىناس پوليتسەيلەرگە جوعارى تالاپ قويادى, ازاماتتار سىن كٶزبەن قارايدى.
بٷگٸندە پوليتسييا قىزمەتكەرلەرٸنٸڭ قاتارىندا ٶزدەرٸنٸڭ قىزمەتتٸك بورىشىن ادال اتقارىپ جٷرگەندەر از ەمەس. تەۋەلسٸزدٸك العاننان بەرٸ 1500-گە جۋىق قىزمەتكەر مەملەكەتتٸك ناگرادالارعا يە بولدى, ونىڭ ٸشٸندە 131 پوليتسەي ٶز ٶمٸرٸن قىزمەت جولىندا قۇربان ەتتٸ.
الايدا, كەيبٸر قىزمەتكەرلەر تەرتٸپ ساقشىسى بولا تۇرا, زاڭداردى بۇزادى. قاراپايىم سىپايىلىقتىڭ بولماۋى, تەرتٸپ پەن ازاماتتاردىڭ قۇقىقتارىن بۇزۋ, سىبايلاس جەمقورلىق جەنە باسقا دا تەرٸس قىلىقتار جاساۋ ٸشكٸ ٸستەر ورگاندارىندا قىزمەت ەتەتٸن بارلىق ادامداردىڭ اتىنا كٸر كەلتٸرەدٸ.
سوندىقتان پوليتسييا قىزمەتكەرلەرٸ تەرتٸپ پەن زاڭدىلىقتىڭ بۇزىلۋىنا جول بەرسە, ٸشكٸ ٸستەر مينيسترلٸگٸندە بۇل تٶتەنشە وقيعا رەتٸندە قابىلدانادى.
ولاردىڭ ٸشٸندە – ورال قالاسىندا ۋچاسكەلٸك پوليتسييا ينسپەكتورى كٶمەكشٸسٸنٸڭ قاتىسۋىمەن بولعان جكو سالدارىنان ەيەل ادامنىڭ قازا بولۋى, قىزىلوردا قالاسىندا پاترۋلدٸك پوليتسييا ينسپەكتورىنىڭ ماس كٷيٸندە قىزمەت اتقارىپ, قىزمەتتٸك اۆتوكٶلٸكتٸ باسقارۋى, نۇر-سۇلتان قالاسىندا ەكٸ پاترۋلدٸك پوليتسييا قىزمەتكەرٸنە قاتىستى سوت ٷكٸمٸنٸڭ شىعۋى سيياقتى جاعدايلار بار.
ٸشكٸ ٸستەر مينيسترلٸگٸ تەرتٸپ بۇزۋشىلارعا عانا ەمەس, سونداي-اق ولاردىڭ باسشىلارىنا دا قاتاڭ شارالار قابىلداپ كەلدٸ جەنە الداعى ۋاقىتتا دا سولاي بولادى.
ٶلٸممەن اياقتالعان جول – كٶلٸك وقيعاسى ٷشٸن جەرگٸلٸكتٸ پوليتسييا قىزمەتٸ مەن ورال قالاسى پوليتسييا باسقارماسىنىڭ باسشىلىعى تەرتٸپتٸك جازاعا تارتىلدى, ال قىزمەتكەردٸڭ تٸكەلەي باسشىسى قىزمەتٸنەن بوساتىلدى.
قاراماعىنداعى قىزمەتكەردٸڭ قىزمەتٸنە تيٸستٸ باقىلاۋ جاساماعانى ٷشٸن قىزىلوردا قالالىق ٸٸب پاترۋلدٸك پوليتسييا باتالونى كومانديرٸنٸڭ ورىنباسارى لاۋازىمىنان بوساتىلدى جەنە تاعى 3 باسشىعا, ونىڭ ٸشٸندە قىزىلوردا قالالىق پوليتسييا باسقارماسى باستىعىنىڭ بٸرٸنشٸ ورىنباسارىنا «قاتاڭ سٶگٸس» جارييالاندى.
تەرتٸپ بۇزۋشىلاردىڭ ٶزدەرٸ قىزمەتكە قايتا الۋ قۇقىعىنسىز ٸشكٸ ٸستەر ورگاندارىنان بٸردەن بوساتىلدى.
«ٸٸم-نٸڭ ٶزٸندٸك قاۋٸپسٸزدٸك دەپارتامەنتٸنە كٸنەلٸ قىزمەتكەرلەردٸ قاتاڭ تەرتٸپتٸك جاۋاپقا تارتۋ جٶنٸندە ناقتى تاپسىرما بەرەمٸن. بٶلٸمشەلەردەگٸ زاڭدىلىق پەن تەرتٸپ ولاردىڭ باسشىلىعىنىڭ مٸندەتٸ. بٸز كٸنەلٸلەردٸڭ ەشبٸرٸنە كٶز جۇما قارامايمىز جەنە ايامايمىز!»- دەپ مەلٸمدەدٸ ٸشكٸ ٸستەر مينيسترٸ ەرلان تۇرعىمباەۆ ٸٸم قىزمەتتەرٸ مەن بٶلٸمشەلەرٸنٸڭ باسشىلارىمەن ٶتكەن كەڭەستە.
بۇعان دەيٸن حابارلانعانداي, ٸٸم-دە سىبايلاس جەمقورلىققا جول بەرگەن قىزمەتكەرلەردٸڭ باسشىلارىن جەكە جاۋاپقا تارتۋ پرينتسيپٸ ەنگٸزٸلگەن.
سونىمەن قاتار, كادرلىق ٶزگەرٸستەر مەن اتتەستاتتاۋ كوميسسيياسىنىڭ قورىتىندىسى بويىنشا اعىمداعى جىلى ورتالىق اپپارات جەنە ٶڭٸرلٸك دەپارتامەنت قىزمەتتەرٸنٸڭ باسشىلىق قۇرامى 60% - عا جاڭارتىلدى.
