قازاقستان ٸشكٸ ٸستەر مينيسترلٸگٸ (ٸٸم) قاراعاندىداعى ٸٸم اكادەميياسىنىڭ بٸرٸنشٸ كۋرس جەتەكشٸسٸنٸڭ ورىنباسارى ا.تاستايبەكوۆتٸڭ قىزمەتٸنەن بوساتىلعانىن حابارلادى. مينيسترلٸك ٶكٸلٸ الماس سادۋباەۆتىڭ Facebook-تە جازۋىنشا, تاستايبەكوۆ تەرتٸپتٸك كوميسسييا شەشٸمٸمەن, "مەملەكەتتٸك قىزمەت بەدەلٸن تٷسٸرگەنٸ ٷشٸن" ٸشكٸ ٸستەر ورگاندارىندا قىزمەت ٸستەۋدەن بوساتىلعان.
31 جەلتوقساندا ينتەرنەتتە پوليتسييا فورماسىنداعى ەر ادامنىڭ جاڭا جىلدىق قۇتتىقتاۋى تاراعان. ۆيدەودا ەر ادام باسقا پوليتسەيلەردٸ مەرەكەسٸمەن قۇتتىقتاي كەلە "تامىر-تانىستىعىمىزدىڭ كٶمەگٸ شٶبەرەلەرٸمٸزگە دە تيسٸن... بٸز - براتۆامىز, اشىعىن ايتقاندا - باندامىز" دەيدٸ. كەيٸن پوليتسييا فورماسىنداعى ونداعان ادام "ۋرا!" دەپ ايعايلايدى.
بۇل ۆيدەو سوڭعى كٷندەرٸ ەلەۋمەتتٸك جەلٸدە كٶپ تالقىلانىپ, سىنعا ۇشىرادى.
كەيٸن ٸٸم بۇل ۆيدەونى قاراعاندىداعى ٸٸم اكادەميياسىنىڭ بٸرٸنشٸ كۋرس جەتەكشٸسٸنٸڭ ورىنباسارى تٷسٸرگەنٸن انىقتاعان.
الماس سادۋباەۆتىڭ حابارلاۋىنشا, تاستايبەكوۆتەن ٶزگە ونىڭ باستىقتارى مەن وقۋ ورنىنىڭ باسشىلارى دا قاتاڭ تەرتٸپتٸك جاۋاپقا تارتىلعان.
